देवदह । नेकपा एमालेबाहेक मुलुक बनाउने योजना कसैसँग नभएको पार्टीका केन्द्रीय सदस्य दधिराम न्यौपानेले बताए । उनले देश विकासका लागि स्पष्ट दृष्टिकोण र योजना आवश्यक रहेको र उक्त योजना एमालेसंग मात्र रहेको बताए ।
एमाले देवदह–५ को निर्वाचन परिचालन तथा प्रसार कार्यालय उद्घाटन गर्दै एमालेबाट रूपन्देही-१ प्रतिनिधिसभा सदस्य उम्मेदवारसमेत रहेका उनले देशका हरेक समस्या समाधान गर्ने पार्टी एमाले भएको दाबी गरे । उनले सूर्य चिह्नका उम्मेदवारलाई जिताउने गरी लाग्न कार्यकर्तालाई आग्रह गरे ।
न्यौपानेले दशगंजादेखि पाल्पा जोड्ने पहुँच मार्गको योजनालाई पूर्णता दिन एमाले जित्न आवश्यक रहेको बताए । नयाँ पार्टीप्रति लक्षित गर्दै उनले सिंहदरबार जलाउनेले देश बनाउन नसक्ने टिप्पणी गरे । नयाँ पार्टीसँग देश विकासका लागि कुनै योजना र स्पष्ट दृष्टिकोण नभएको उनको भनाइ थियो । उनले नेकपा एमाले रूपान्तरणसहित निर्वाचनमा होमिएको बताए ।
शाखा कमिटीका इन्चार्ज विकास गहतराजको अध्यक्षता र गणेश डुम्रेको सञ्चालनमा भएको कार्यक्रममा पार्टी नेता तथा कार्यकर्ताको सहभागिता रहेको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)