देवदह । राष्ट्रिय प्रजातन्त्र पार्टीका तर्फबाट रूपन्देही क्षेत्र नं. १ का प्रतिनिधि सभा सदस्य उम्मेदवार प्रज्जवल बोहराले भ्रष्टाचारमुक्त समाज, सुशासन र रोजगारी सिर्जनालाई प्राथमिकतामा राख्दै आफ्नो चुनावी प्रतिबद्धता सार्वजनिक गरेका छन् ।

उनले राष्ट्रियता, सनातन हिन्दू धर्म, भाषा, संस्कृति र परम्पराको संरक्षण गर्दै नयाँ पुस्तालाई मौलिक पहिचान हस्तान्तरण गर्ने लक्ष्यसहित राजनीतिमा आएको बताएका छन् । जेन–जी पुस्ताले उठाएको सुशासन, भ्रष्टाचार नियन्त्रण, समान अवसर र भविष्यप्रतिको आशाको मुद्दालाई आफ्नो राजनीतिक यात्राको आधार बनाएको उनको भनाइ छ ।

रोजगारी सिर्जना, सीपमूलक शिक्षा र उद्यमशीलता प्रवर्द्धनमार्फत युवालाई स्वदेशमै अवसर उपलब्ध गराउने उनले बताए । वैदेशिक रोजगारीलाई सुरक्षित र सम्मानजनक बनाउने तथा स्थानीय उद्योगमा रोजगारी बढाउने योजना पनि उनले अघि सारेका छन् ।

शिक्षातर्फ सरकारी विद्यालयको भौतिक पूर्वाधार सुधार, गुणस्तर अभिवृद्धि र व्यवहारिक शिक्षामा जोड दिने, लुम्बिनी बौद्ध विश्वविद्यालयको गुरुयोजना कार्यान्वयन गर्ने तथा रामनरेश यादव आदर्श नमूना माध्यमिक विद्यालयलाई क्याम्पसमा स्तरोन्नति गर्ने प्रतिबद्धता जनाएका छन् ।

स्वास्थ्य क्षेत्रमा धकधई स्वास्थ्य केन्द्रलाई विशेषज्ञ सेवासहित स्तरोन्नति गर्ने, सबै पालिका समेट्ने गरी एम्बुलेन्स र दमकल व्यवस्था गर्ने तथा स्वास्थ्य बीमा प्रभावकारी बनाउने योजना रहेको उनले बताए ।

कृषितर्फ किसानलाई उचित मूल्य, सिंचाइ, भण्डारण र आधुनिक प्रविधिमा पहुँच पुर्‍याउने तथा आयातमा निर्भरता घटाउने कार्यक्रम अघि सारेका छन् । पूर्वाधार विकासअन्तर्गत क्षेत्रका सबै पालिका जोड्ने सडक सञ्जाल, स्वच्छ खानेपानी, रोहिणी नदी संरक्षण, मैनिहवामा पक्की पुल निर्माण र देवदहलाई लुम्बिनीसँग जोडेर अन्तर्राष्ट्रिय पर्यटकीय केन्द्र बनाउने लक्ष्य राखिएको छ ।

युवा, महिला र पछाडि परेका समुदायको निर्णय तहमा सहभागिता सुनिश्चित गर्ने तथा डिजिटल प्रणालीमार्फत सार्वजनिक सेवा प्रवाह पारदर्शी बनाउने उनले उल्लेख गरेका छन् । हरेक वर्ष जनतासमक्ष कामको प्रतिवेदन प्रस्तुत गर्ने पनि उनको प्रतिबद्धता छ ।

प्रमुख प्रतिबद्धता (जस्ताको तस्तै)

१) सुशासन र भ्रष्टाचार नियन्त्रण 

• सार्वजनिक सेवा प्रवाहमा डिजिटल प्रणाली
• पूर्णरुपले अधिकार सम्पन्न स्थानीय सरकार
• ठेक्का, बजेट र योजना प्रक्रियामा पूर्ण पारदर्शीता
• हरेक वर्ष जनतासँग कामको प्रतिवेदन प्रस्तुत गर्नेछु ।
• जनताले सोध्ने, मैले जवाफ दिने कामको सुरुवात गर्नेछु ।

२) रोजगारी र अर्थतन्त्र

• अव्यवस्थित र भूमिविहीनलाई जग्गाको व्यवस्थापन
• युवाका लागि स्थानीय रोजगारी सिर्जना
• सीपमूलक तालिम र उद्यमशीलता प्रवर्द्धन
• स्थानीय उद्योगहरुमा रोजगारीको व्यवस्था सृजना गरिनेछ ।
• वैदेशिक रोजगारी सुरक्षित, सम्मानजनक र देशमै पूँजी भित्र्याउने नीति ।

३) शिक्षा क्षेत्रमा व्यापक सुधार

• लुम्बिनी बौद्ध विश्वविद्यालयको गुरुयोजनालाई पूर्णता दिदै राजनीतिकरणबाट मुक्त्त ।
• सरकारी विद्यालयको भौतिक संरचनाको निर्माण र त्यहाँ अध्ययन गर्ने विद्यार्थीको गुणस्तर अभिवृद्धि ।
• श्री रामनरेश यादव आदर्श नमूना माध्यमिक विद्यालयलाई क्याम्पसमा परिणत गरी सर्वसुलभशुल्कको व्यवस्था गरी गुणस्तरीय घठनपाठनको व्यवस्था गरिनेछ ।
• सीप, प्रविधि र व्यवहारिक शिक्षामा जोड
• शिक्षक व्यवस्थापन र शिक्षामा समान पहुँच

४) स्वास्थ्य सेवा

• सबै नागरिकका लागि सुलभ र गुणस्तरीय स्वास्थ्य सेवा ।
• गाउँ-नगरमै गुणस्तरीय विशेषज्ञ सेवा ।
• क्षेत्रभित्र पर्ने सबै पालिकालाई समेट्‌ने गरी एम्बुलेन्स र दमकलको व्यवस्थापन गरिनेछ ।
• धकधई स्वास्थ्य केन्द्रलाई स्तरोन्नति गर्दै विशेषज्ञ सेवासहि को सुविधा ।
• स्वास्थ्य बीमाको प्रभावकारी कार्यान्वयन ।

५) कृषि र खाद्य सुरक्षा

• व्यवसायिक कृषि प्रवर्द्धनमा जोड
• किसानलाई उचित मुल्य र बजारमा सिंचाई भण्डारण र आधुनिक प्रविधि
• आयातमा निर्भरता घटाउँदै स्वदेशी उत्पादन बृद्धि

६) पूर्वाधार विकास

• क्षेत्रका सबै पालिका जोड्ने गरी सडक सञ्जालको निमाण ।
• रोहिणी नदी संरक्षणसँगै जलासययुक्त बाधबाट पर्यटन विकासमा जोड ।
• रोहिणी नदीको मैनिहवामा पक्की पुल निर्माण गरिनेछ ।
• भगवान बुद्धको मावली क्षेत्र देवदहलाई लुम्बिनीसँग जोडेर अन्तर्राष्ट्रिय पर्यटकीयस्थल बनाउने
• सडक, खानेपानी, सिंचाई र विद्युत्‌को व्यवस्थापन ।
• शहरी योजना र अव्यवस्थित बस्ती व्यवस्थापन ।
• दीगो र वातावरणमैत्री विकास ।
• फोहोर प्रशोधन केन्द्रको निर्माण ।
• क्षेत्रभित्र सुविधा सम्पन्न खेलकुद मैदानको निर्माण ।

७) युवा, महिला र समावेशीता

• निर्णय तहमा युवाको अर्थपूर्ण सहभागीता ।
• महिला उद्यम, सुरक्षा र नेतृत्व ।
• पिछ‌डिएका समुदायको प्रत्यक्ष सशक्तिकरण ।

८) राष्ट्रियता. संस्कृति र पहिचान

• भाषा, संस्कृति र परम्पराको संरक्षण
• राष्ट्रिय स्वाभिमान र स्वतन्त्र परराष्ट्र नीति