काठमाडौँ । उत्तर कोरियाका नेता किम जोंग उनले दक्षिण कोरियालाई कडा चेतावनी दिएका छन् । किमले आफ्नो देशको सुरक्षा खतरा भएमा दक्षिण कोरियालाई 'पूर्ण रूपमा नष्ट' गरिदिने चेतावनी दिएका हुन् ।
मिडिया रिपोर्टका अनुसार प्योंगयांगमा सात दिन चलेको वर्कर्स पार्टी कांग्रेसको समापन अवसरमा किमले आगामी पाँच वर्षका लागि आफ्नो परमाणु र मिसाइल कार्यक्रम विस्तार गर्ने योजना प्रस्तुत गरेका थिए ।
सो अवसरमा उनले पानीमुनिबाट प्रहार गर्ने अन्तरमहाद्वीपीय बलिस्टिक मिसाइल, सामरिक परमाणु हतियार, परमाणु संचालित पनडुब्बी, एआईयुक्त ड्रोन र उन्नत उपग्रह विकास गर्ने योजना भएको बताएका छन् ।
किमले दक्षिण कोरियालाई 'स्थायी शत्रु' भनेका छन् र त्यससँग कुनै वार्ता सम्भव नहुने बताए । तर उनले अमेरिका प्रतिबन्ध र दबाबको नीति त्यागेमा संवादको संभावना रहेको पनि उल्लेख गरेका छन् ।
कांग्रेसपछि राजधानीमा भव्य सैन्य परेड आयोजना गरिएको थियो, जहाँ किम आफ्नो छोरीसँग उपस्थित देखिए । परेडमा अमेरिका समेट्न सक्ने ठूलो आईसीबीएम प्रदर्शन भने गरिएको थिएन ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
