काठमाडौँ । तेल उत्पादक देशहरूको समूह ओपेक प्लसका सदस्य देशहरू आज तेल उत्पादनको स्तर तय गर्न बैठकमा जुटेका छन् ।
यो बैठक संयुक्त अरब इमिरेट्स सहभागी नभएको पहिलो बैठक हो । अल जजिराका अनुसार बैठकमा दैनिक १ लाख ८८ हजार ब्यारेलसम्म उत्पादन बढाउने विषयमा सहमति बन्न सक्ने सम्भावना रहेको छ ।
ओपेक प्लसमा सहभागी देशहरूमा साउदी अरेबिया, इरान, इराक, कुवेत, कतार, संयुक्त अरब इमिरेट्स, अल्जेरिया, लिबिया, नाइजेरिया, भेनेजुएला, ग्याबोन, इक्वेटोरियल गिनी, कङ्गो, अङ्गोला लगायतका ओपेक सदस्य देशहरू रहेका छन् ।
त्यस्तै, ओपेक बाहिरबाट रूस, काजाखस्तान, अजरबैजान, मलेसिया, मेक्सिको, ओमान, बहरेन, दक्षिण सुडान, ब्रुनेई र सुडान जस्ता देशहरू पनि ओपेक प्लसमा सहभागी छन् ।
युएईले हालै आफुलाई ओपेक र ओपेक प्लस देशहरुको समुहबाट बाहिर राखेको छ । शुक्रबार विश्वका प्रमुख तेल उत्पादक देशमध्ये एक संयुक्त अरब इमिरेट्सले ओपेक र ओपेक प्लसबाट औपचारिक रूपमा अलग हुने घोषणा गरेको थियो।
रिपोर्टका अनुसार उत्पादन सीमाप्रति असन्तुष्टि जनाउँदै उक्त देशले यस्तो निर्णय लिएको हो।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
