काठमाडौँ । इङ्लिस प्रिमियर लिगअन्तर्गत गएराति भएको खेलमा आर्सनलले एस्टन भिल्लालाई १-० गोल अन्तरले पराजित गर्दै सिजनको लगातार दोस्रो जित निकालेको छ ।
भिल्ला पार्कमा भएको खेलमा दुवै टोलीले पहिलो हाफमा गोल गर्न सकेनन् । घरेलु टोली एस्टन भिल्लाले केही राम्रो अवसर सिर्जना गरे पनि गोल गर्न सकेन । एमिलियानो बुएन्डियाको प्रहार बारमा लागेर फर्किएको थियो । दोस्रो हाफमा आर्सनलले दबाब बढाउँदै खेलको ५९औँ मिनेटमा अग्रता लिएको थियो । एबेरेची एजेले रिकार्डो कालाफिओरीलाई दिएको पासपछि कालाफिओरीले उपलब्ध गराएको बललाई बुकायो साकाले नजिकबाट जाली चुमाएका थिए ।
त्यसपछि एस्टन भिल्लाले बराबरीका लागि प्रयास गरे पनि आर्सनलको रक्षापंक्तिले बलियो प्रदर्शन गर्दै अग्रता जोगाएको थियो । आर्सनलले खेलमा ६२ प्रतिशत बल आफ्नो नियन्त्रणमा राखेको थियो ।
यस जितसँगै आर्सनलले दुई खेलबाट ६ अंक जोडेको छ । गत सिजनको उपाधि रक्षा अभियानमा आर्सनलले लगातार दुई जितसहित उत्कृष्ट सुरुवात गरेको हो । एस्टन भिल्ला भने लगातार दोस्रो खेलमा पराजित हुँदै अंकविहीन रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
