बुटवल । पेट्राेलियम पदार्थकाे मूल्य बृद्धिका कारण अहिले बजारकाे भाउ छाेइनसक्नु छ । तर लुम्बिनी प्रदेशकाे मुख्य व्यापारीक केन्द्र बुटवलमा सय रूपैयाँमै पेटभरी खाना खान पाइन्छ भन्दा धेरैलाई विश्वास नलाग्न सक्छ ।
सामान्यतया अन्य हाेटेलमा सादा खानाकाे मूल्य करिब तीन सयकाे हाराहारीमा पुग्न थालिसकेकाे छ । तर बुटवलकाे संसद चाेकमा रहेकाे भिरपानी थकाली भान्सा घरमा एक सय रूपैयाँमै पेट भरी खाना खान पाइन्छ ।
बजार मंहगीका कारण दैनिकी गुजार्न मुस्किलमा रहेका मजदुर, अध्ययन गर्दै गरेका विद्यार्थी र कर्मचारीलाई मुख्य तार्गेटमा राखेर भान्साघर सञ्चालनमा ल्याइएकाे सञ्चालक दुर्गा थापा बताउँछिन् ।
भान्साघरमा सय रूपैयाँमा सादा खाना, १ सय ५० मा चिकेन खाना र २ सय ५० मा मटन खाना खान पाइन्छ ।
समाजसेवामा कृयाशिल थापाले नाफाका लागि भन्दा पनि सेवाका लागि भान्सा सञ्चालन गरेकाे बताउँछिन् ।
लामाे समयदेखि समाज सेवा गर्दै आएकी उनले काेराेना महामारीकाे समयमा विपन्न वर्गलाई खाना तथा उपचारमा सहयाेग गरेर प्रशंसा बटुलेकी थिइन्।
महङ्गा हाेटलहरूकाे शहर बुटवलमा एक सयमै खाना खान पाउँदा आफुहरूलाई धेरै सहज भएकाे हाेटेलमा खाना खान आएकी सरीता थापाको भनाइ छ ।
एक छाक खानाकाे पैसाले तीन छाक खान सक्ने भएकाले आफुहरू आउने गरेकाे अर्का ग्राहक सन्तोष न्याैपाने बताउँछन ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)