समाचार

देवदहमा राजस्वसम्बन्धी अभिमुखीकरण

सेतोमसी
आश्विन १५, २०८३ बिहिवार

अ +
अ
अ -

देवदह । देवदह नगरपालिकामा राजस्वसम्बन्धी अभिमुखीकरण कार्यक्रम सम्पन्न भएको छ । नगरपालिका तथा उद्योगी-व्यवसायीबीच राजस्वका विषयमा सहकार्य, समन्वय र आवश्यक सहयोगका विषयमा छलफल गर्ने उद्देश्यले कार्यक्रम आयोजना गरिएको हो ।

कार्यक्रममा देवदह नगरपालिकाका जनप्रतिनिधि, कर्मचारी तथा उद्योगी-व्यवसायीहरूको सहभागिता थियो । कार्यक्रममा आन्तरिक राजस्व कार्यालय भैरहवाका अधिकृत अर्जुन पन्थीले राजस्वसम्बन्धी विषयमा प्रशिक्षण दिएका थिए ।

सोही अवसरमा बोल्दै देवदह नगरपालिकाका उपप्रमुख विद्या लक्ष्मी गुरुङले उद्योगी तथा व्यवसायीले आगामी दिनमा नगरपालिकाबाट आवश्यक सहयोग, सहजीकरण र सहकार्यका लागि तयार रहेको बताइन् । उनले उद्योग-व्यवसाय क्षेत्रको विकासका लागि स्थानीय सरकार र व्यवसायीबीच निरन्तर समन्वय आवश्यक रहेको उल्लेख गरिन् ।

कार्यक्रममा वडा नम्बर ५ का अध्यक्ष गणेश डुम्रे, वडा नम्बर ८ का अध्यक्ष हरि प्रसाद पाण्डे, कार्यपालिका सदस्य गीता भण्डारी, लक्ष्मी वि.क. लगायतको उपस्थिति रहेको थियो ।

नगरपालिकाका राजस्व शाखा प्रमुख विष्णु प्रसाद बस्यालको सञ्चालनमा भएको कार्यक्रममा राजस्वसम्बन्धी व्यवस्था, व्यवसायीका जिज्ञासा तथा स्थानीय तह र व्यवसायीबीचको सहकार्यका विषयमा समेत छलफल गरिएको थियो ।