काठमाडौँ । नेपाली कांग्रेसका केन्द्रीय सदस्य एवं गण्डकी प्रदेशका मुख्यमन्त्री सुरेन्द्रराज पाण्डेले पार्टीको १५औँ महाधिवेशनमा उपसभापति पदमा उम्मेदवारी घोषणा गरेका छन् ।
पाण्डेले पार्टीभित्र एकता र सुदृढ संगठन निर्माणलाई प्राथमिकता दिँदै सबै तह र पुस्ताबीच संवाद, सहकार्य र साझा उद्देश्यका आधारमा अघि बढ्ने बताएका छन् । उनले पार्टी सदस्यका रूपमा ४५ वर्षभन्दा बढीको अनुभव र तीन पटक केन्द्रीय सदस्यका रूपमा काम गरेको अनुभवलाई आगामी यात्रामा उपयोग गर्ने उल्लेख गरेका छन् ।
गण्डकी प्रदेश सरकारको नेतृत्व गर्दा सुशासन, पारदर्शिता र जवाफदेहितालाई प्राथमिकता दिएको दाबी गर्दै पाण्डेले आगामी दिनमा पनि संगठन सुदृढीकरण, विचारमा स्पष्टता, निष्पक्षता र पार्टी एकतालाई प्राथमिकतामा राख्ने प्रतिबद्धता जनाएका छन् ।
उनले महाधिवेशन प्रतिनिधि, पार्टीका अग्रज, सहकर्मी, युवा तथा शुभेच्छुकको साथ र सहयोग आफूले अपेक्षा गरेको बताएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)