इजिप्टमा रेल दुर्घटना: सात जनाको मृत्यु, एक सयभन्दा बढी घाइते

सेतोमसी
कार्तिक २४, २०८३ सोमवार

इजिप्टमा रेल दुर्घटना: सात जनाको मृत्यु, एक सयभन्दा बढी घाइते

अ +
अ
अ -

काठमाडौं । इजिप्टको गिजा सहरनजिक दुई रेल एकआपसमा ठोक्किँदा कम्तीमा सात जनाको मृत्यु भएको छ भने एक सयभन्दा बढी घाइते भएका छन् ।

नोभेम्बर ८ मा भएको दुर्घटनामा काइरोबाट दक्षिणतर्फ गइरहेका दुई रेल ठोक्किएका थिए । ठक्करका कारण रेलका कैयौँ डिब्बा लिकबाट खसेर भिरालो स्थानमा पुगेका थिए ।

दुर्घटनापछि घटनास्थलमा ठूलो संख्यामा उद्धारकर्मी परिचालन गरी राहत तथा उद्धार अभियान सञ्चालन गरिएको थियो । दुर्घटनास्थलका तस्बिरमा पल्टिएका डिब्बाभित्र फसेका घाइते यात्रुको खोजी भइरहेको देखिएको छ ।

इजिप्टका राष्ट्रपति अब्देल फताह अल–सिसीले दुर्घटनाको कारणबारे अनुसन्धान गर्न र लापरबाही गरेको पुष्टि भए दोषीमाथि कारबाही गर्न सरकारी अधिकारीलाई निर्देशन दिएका छन् ।

सरकारी अभियोजन कार्यालयले मृतकको संख्या बढ्न सक्ने चेतावनी दिएको छ । घाइतेको उपचारका लागि प्रभावित क्षेत्रका अस्पताललाई उच्च सतर्कतामा राखिएको सरकारले जनाएको छ ।