रुरुक्षेत्रको 'ड्रिम प्राेजेक्ट' फलाँटे-भट्कुवा झाेलुँगे पुलकाे डिपिआर सुरु

सेतोमसी सहकर्मी

रुरुक्षेत्रको 'ड्रिम प्राेजेक्ट' फलाँटे-भट्कुवा झाेलुँगे पुलकाे डिपिआर सुरु

अ +
अ
अ -

कृष्ण अन्जान, गुल्मी । रुरुक्षेत्रकै गौरवकाे रुपमा रहने भटकुवाकाे सालिपाेखरी र थाेर्गाकाे फलाटे जोड्ने पुलकाे डिपिआर काे काम सुरु भएकाे छ ।

रुरुक्षेत्र गाउँपालिकाका अध्यक्ष यदु ज्ञवालीकाे ड्रिम प्राेजेक्टकाे रुपमा रहेकाे याे पुल निर्माण भए भट्कुवालाई तानसेन रिडी माेटरबाटाेकाे पहुँचसंग जाेड्न सहज हुनेछ भने रुरुक्षेत्रकाे पर्यटन प्रबर्द्धनमा समेत नयाँ आयाम थपिने छ ।

संघिय सरकार तथा झोलुङे पुल बिभागले यस बर्ष डिपिआर तयार गरि योजना अघि बढाउनका लागि इन्जिनियर गोपाल बहादुर थापाको नेतृत्वमा सर्भेको सुरुवात गरिएकाे छ ।

नेपालकै अग्लाे मध्येकाे याे पुल निर्माण भएसँगै एकातिर पर्यटन प्रबर्द्धनमा नयाँ आयाम थपिनेछ भने अर्कोतिर भट्कुवालाई हाेमस्टेकाे रुपमा विकास गर्न सहज हुनछ ।

पुल निर्माणलाई सहज बनाउन अधिग्रहण गरिने जग्गाको मुआब्जाका लागि रुरुक्षेत्र गाउँपालिका वडा नं. १ ले याे वर्ष बजेट बिनियाेजन गरिसकेकाे छ ।

तानसेन-रिडी-तम्घास माेटरबाटाेकाे फलाँटे क्षेत्रबाट पुल निर्माण कार्य हुने भएपछि आन्तरिक र वाह्य पर्यटकहरुका लागि पनि यहाँकाे पहुँच सहज हुने भएकाे छ ।

रुरुक्षेत्र गाउँ पालिका अध्यक्ष यदु ज्ञवालीकाे पहल र परिकल्पनामा यस अघि याे झाेलुँगे पुलकाे प्रारम्भिक सर्वेक्षण गरिएकाे थियो ।