काठमाडौं । नेपाल शिक्षक महासङ्घले शिक्षकलाई निर्वाचनमा खटाउँदा तह र मर्यादालाई ख्याल राख्न अनुरोध गरेको छ । महासङ्घले निर्वाचन आयोगलाई पत्र लेख्दै विगतमा शिक्षकलाई निर्वाचनमा खटाउने सन्दर्भमा निजामती कर्मचारीभन्दा तल राखी जिम्मेवारी दिएकोमा त्यसो नगर्न अनुरोध गरेका हो ।
महासङ्घका महासचिव लक्ष्मीकिशोर सुबेदीले निर्वाचन आयोगलाई लेखेको पत्रमा भनिएको छ - "विगतका निर्वाचनमा शिक्षकलाई निर्वाचन सम्बन्धी जिम्मेवारी प्रदान गर्दा निजामती सेवाको समान तथा तल्लोतहको पदभन्दा तल राखी जिम्मेवारी दिएको पाइएकोले यस पटकको निर्वाचनमा तह र मर्यादालाई ख्याल राखी सोही अनुसार निर्वाचन टोलिमा जिम्मेवारी प्रदान गर्न अनुरोध गर्दछौं ।"
पत्रमा निर्वाचन आयोगलाई शिक्षक र निजामती सेवाको तह र श्रेणी समान रहेको उल्लेख गर्दै शिक्षक र निजामती कर्मचारीको तहको विवरण नै खुलाईएको छ ।
जस अनुसार प्रा.वि. तृतीय खरिदार सरह, प्रा.वि. द्वितीय र नि.मा. तृतीय ( ना.सु. सरह), नि.मा.द्वितीय र मा.वि. तृतीय (शाखा अधिकृत सरह), नि.मा. प्रथम र मा.वि.द्वितीय (उपसचिव सरह) र मा.वि. प्रथम ( सहसचिव सरह) हुनुपर्ने पत्रमा उल्लेख छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)