देवदह । नेकपा एमाले परित्यागका गरेका नेता घनश्याम भुसालले आइतबार रुपन्देही क्षेत्र नम्बर १ बाट स्वतन्त्र रूपमा उम्मेदवारी दर्ता गराएका छन् ।
आइतबार बिहान आफ्नो घरमा पत्रकार सम्मेलन गरेर उनले आफू स्वतन्त्र वामपन्थी विचारकका रूपमा उम्मेदवार बन्न लागेको जानकारी दिएका थिए ।
उनलाई सत्ता गठबन्धनले समर्थन गरेको छ । यहाँ गठबन्धनबाट प्रदेशतर्फ (क) मा कांग्रेसका विश्वनाथ यादव र (ख) मा कांग्रेसकै अब्दुल रज्जाकले उम्मेदवारी दिएका छन् ।
क्षेत्र नम्बर १ बाट एमाले केन्द्रीय सचिव छविलाल विश्वकर्माले पनि प्रतिनिधिसभा सदस्य पदका लागि उम्मेदवारी दर्ता गराएका छन् । यहाँ एमालेसहितको गठबन्धनबाट प्रदेशतर्फ (क) मा राप्रपाका आशिष चौधरी र (ख)मा दधिराम न्यौपानेले उम्मेदवारी दिएका छन् ।
त्यसैगरि एमाले देवदह नगर अध्यक्ष परित्याग गरेका टिकाराम चापागाईंले समेत प्रतिनिधिसभामा स्वतन्त्र उम्मेदवारी दिएका छन् ।
यस क्षेत्रबाट राष्ट्रिय मंगोल अर्गनाईजेसन, राष्ट्रिय जनमुक्ति पार्टी, जनमत पार्टी नेपाल, नागरिक उन्मुक्ति पार्टी लगायतका दलसंगै स्वतन्त्र व्यक्तिहरूले समेत उम्मेदवारी दिएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)