देवदह । मंसीर ४ पछि नेकपा एमालेको सरकार बन्ने र सुकुम्वासी तथा अव्यवस्थित बसोवासको समस्या समाधान नेकपा एमालेका सचिव छविलाल विश्वकर्माले बताएका छन् । रुपन्देही क्षेत्र नम्वर १, प्रतिनिधि सभा सदस्यका उम्मेदवार नेता विश्वकर्माले गठबन्धन सरकारका कारण सुकुम्वासी तथा अव्यवस्थित बसोवासको समस्या समाधानको ओझेलमा परेको बताए।
रुपन्देहीको देवदह १०, मा नेकपा एमाले, राप्रपा र जसपाको संयुक्त निर्वाचन प्रचार प्रसार कार्यालयको उद्घाटन तथा घरदैलो कार्यक्रमलाई सम्बोधन गर्दै उनले उक्त कुरा बताएका हुन् ।
नेता विश्वकर्माले देशमा गठबन्धन सरकार रहेसम्म समृद्धि प्राप्त गर्न नसकिने बताउदै अहिलेको निर्वाचनलाई सामान्य रुपमा नलिन आग्रह गरे । निर्वाचनको माध्यमबाट मंसीर ४ पछि एमालेको सरकार गठन हुने र जनताको जीवनस्तर उकास्नेमा बताए । पुर्वमन्त्री समेत रहेका नेता विश्वकर्माले एमाले सरकारले अगाडि सारेका अधुरा योजना निर्माणको कामलाई पूर्णत दिने प्रतिवद्धता व्यक्त गरे ।
सोही अवसरमा बोल्दै नेकपा एमाले पोलिटव्यूरो सदस्य एवं रुपन्देही क्षेत्र नम्वर १(२) का प्रदेश सभा सदस्य उम्मेदवार दधिराम न्यौपानेले गठबन्धन सरकार रहेसम्म नागरिकले सुख प्राप्त गर्न नसक्नेमा बताए । उनले गठबन्धन सरकारका कारण विकास निर्माणका कामहरु अवरुद्ध भएको भन्दै एमाले, राप्रपा र जसपाको साझा उम्मेदवारलाई विजय गराउन आग्रह गरे ।
नेता न्यौपानेले देवदह १०, चरेगेको विकासको लागि नेकपा एमालेको सरकारले योजना अगाडि बढाएपनि गठबन्धन सरकारले बजेट कटौती गरेको आरोप लगाए ।
एमालेका जिल्ला कमिटी सदस्य मनकुमार कनौजेको अध्यक्षता, शाखा कमिटीका अध्यक्ष एकनारायण रिजालको संचालनमा भएको कार्यक्रममा एमाले र राप्रपाका नेता, कार्यकर्ताहरुको सहभागिता रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
