काठमाडौ । नेपाली कांग्रेसका नेता शेखर कोइरालाले संसदीय दलमा दाबी गर्ने/नगर्ने साथीहरूसँग सल्लाह गरेर निर्णय लिने बताएका छन।
मोरङ- ६ बाट प्रतिनिधि सभामा निर्वाचित भएपछि विराटनगरमा सञ्चारकर्मीसँग कुरा गर्दै उनले चुनावी प्रक्रिया नसकिँदै दलको नेता दाबी सुहाउँदो नहुने पनि उल्लेख गरे।
नतिजा आइसकेको छैन, समानुपातिकमा को हुने थाहा छैन,’ उनले भने, ‘अहिले नै दलको नेताबारे कुरा किन गर्ने?’
दलको नेतामा तपाईंको दाबी रहन्छ? भन्ने प्रश्नमा कोइरालाले भने, ‘म भर्खरै निर्वाचित भएको छु। अब केही दिन विराटनगरमै रहन्छु। त्यसपछि काठमाडौं पुगेर साथीहरूसँग सल्लाह गर्छु। सभापति, वरिष्ठ नेतासँग सल्लाह गर्छु। त्यसपछि निर्णयमा पुग्ने हो।’
महामन्त्री गगन थापाले दलको नेतामा दाबी गर्ने बताइरहेका बेला अर्का महामन्त्री विश्वप्रकाश शर्माले थापालाई समर्थन गर्ने बताइसकेका छन। यसबारे उनले बोल्ने बेलै नभएको बताए।
‘दलको नेता सांसदहरूले छान्ने हो, अहिले चुनावको नतिजा नै आइसकेको छैन,’ उनले भने :
अहिलेको सत्ता गठबन्धन कायम रहने उल्लेख गर्दै उनले जनादेश पनि सोहीअनुसार आएको बताए।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)