निर्वाचनबाट अपेक्षित मतपरिणाम आएन, कांग्रेस र एमाले मिल्नुपर्छ: पोख्रेल

सेतोमसी सहकर्मी

निर्वाचनबाट अपेक्षित मतपरिणाम आएन, कांग्रेस र एमाले मिल्नुपर्छ: पोख्रेल

अ +
अ
अ -

पोखरा । नेकपा एमालेका महासचिव शकंर पोख्रेलले कांग्रेस र एमाले मिल्नुपर्ने बताएका छन । प्रेस चौतारीद्वारा बुधबार पोखरामा आयोजित पत्रकार भेटघाटमा बोल्दै पोखरेलले मुलुकलाई बलियो राजनीतिक शक्तिको आवश्यकता भएको धारणा राखेका हुन् । ।

उनले गठबन्धनको सरकार लक्ष्यविहिन भएको बताउदै सो समुह मुलुकको हीतविपरित रहेको बताए । उनले फरक प्रसंगमा बोल्दै उनले भर्खरै सम्पन्न निर्वाचनबाट अपेक्षित मतपरिणाम नआएको उल्लेख गरे । ‘निर्वाचनको अभियानमा एमाले देशकै ठुलो पार्टीको रुपमा बहुमत प्राप्त गर्ने हिसाबले अगाडि बढेको थियो तर मत परिणाम सोचेजस्तो आएन, उनले भने, ‘हामीले जनताको मनोविज्ञान बुझ्नमा गल्ती गर्यो की भन्ने लागेको छ ।’

उनले राष्ट्रिय पार्टीहरु असफल भएको सन्देश गएको बताउदै सकारात्मक सन्देशका लागि मात्रै एमाले र कांग्रेस मिल्नुपर्ने तर्क राखे । ‘अहिले जुन राष्ट्रिय पार्टीहरु असफल भएको सन्देश गएको बेला त्यसको लागि मात्रै हो कांग्रेस र एमाले मिल्ने भनेको, उनले भने, ‘नत्र दिर्घकालिन हिसाबले हेर्ने हो भने नेपाली कांग्रेस र नेकपा एमाले स्वस्थ्य लोकतान्त्रिक प्रतिस्पर्धाका लागि तयार हुनुपर्छ । किनभने कांग्रेसको नीति र एमालेको नीतिमा भिन्नता छ ।’