देवदहको जनता माध्यमिक विद्यालयले मनायो ३३औं बार्षिकोत्सब

सेतोमसी
पौष १५, २०७९ शुक्रवार

देवदहको जनता माध्यमिक विद्यालयले मनायो ३३औं बार्षिकोत्सब

अ +
अ
अ -

नविन लुइँटेल, देवदह । देवदह नगरपालिका वडा नम्बर ८ स्थित जनता माध्यमिक विद्यालयले ३३ औं बार्षिकोत्सब मनाएको छ। बिहिबार एक औपचारिक समारोहको आयोजना गरि विद्यालयले बार्षिक उत्सब मनाएको हो।

विद्यालयको ३३ औं बार्षिक उत्सब एवं अभिभावक दिवसको अवसरमा विद्यालयका चन्दादाता एवं शिक्षक-विद्यार्थीलाई सम्मान गरिएको विद्यालयका प्रधानाध्यापक चन्द्रकान्त पाण्डेले जानकारी दिए। सो अवसरमा चन्दा दाता हरिप्रसाद पाण्डे, टिकादेवी पाण्डे, चिन्तामणी पाण्डे, सेवा निवृत्त शिक्षक तुलसीदेवी अर्याल र पुर्व शिक्षक विष्णु थापा लगायत विभिन्न समितिमा रहेर जिम्मेवारी पूरा गर्ने शिक्षकहरुलाईलाई सम्मान तथा शैक्षिक सत्र २०७८ मा उत्कृष्ट हुने र खेलकुद प्रतियोगितामा विजेता हुने विद्यार्थीहरूलाई पुरस्कृत गरिएको प्रअ पाण्डेले बताए।

बार्षिकोत्सब समारोहमा विद्यार्थीहरूले तयार गरेका बिभिन्न सामग्रीहरूको प्रदर्शनी समेत गरिएको थियो ।

व्यवस्थापन समितिका अध्यक्ष खेम प्रसाद पाण्डेयकाे अध्यक्षतामा सम्पन्न बार्षिकोत्सब समारोहमा देवदह नगरपालिका वडा नम्बर ८ का अध्यक्ष हरि प्रसाद पाण्डेको प्रमुख आतिथ्यतामा रहेको थियो। शिक्षक विमला अर्यालको संचालन रहेको कार्यक्रममा शिक्षक राजेश काफ्ले स्वागत गरेका थिए।