काठमाडौँ । अभिनेता पल शाहले एकसाताको आराम पछि काममा फर्किने बताएका छन् । एकबर्ष जिल्ला कारागार तनहुँमा बसेर रिहाई भएपछि बुधबार काठमाडौँ आइपुगेका अभिनेता पलले एकसाता पछि म्युजिक भिडियोको तयारीमा जुट्ने बताएका हुन् ।
उनले अर्को साताबाट कुन म्युजिक भिडियोका लागी कसरी काम गर्ने भन्ने बिषयमा छलफलमा बस्ने जानकारी दिएका हुन् । 'एकसाताको रेस्ट पछि काममा फर्किन्छु । कुन म्युजिक भिडियोबाट आउने भन्ने बिषयमा टिमसँग बसेर छलफल हुन्छ ।' अभिनेता पलले भने । 'अहिले नै यहि म्युजिक भिडियो भन्न त सक्दिन तर धेरै समय पनि लगाउँदिन ।'
चलचित्रमा कहिले देखि आउनुहुन्छ भन्ने प्रश्नमा चलचित्रका लागी अहिले तत्काल नसोचेको बताए । उनी अघि भन्छन्, 'चलचित्रमा आउन अलि समय लाग्छ । सुरुमा म्युजिक भिडियो गरेपछि चलचित्रका लागी सोचेको छु ।'
पललाई एक नाबालिग गायिकाले आफूलाई जबरजस्ती करणी गरेको भन्दै गतबर्षको फागुन ११ गते किटानी जाहेरी दिएकी थिइन् । फागुन १५ गते जिल्ला प्रहरी कार्यालय तनहुँमा आत्मसमर्पण गरेका पल योबर्षको फागुन १५ मै रिहाई भएका हुन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
