काठमाडौँ । सरकारले मिटरब्याजीमाथि कारबाही गर्ने गरी कानुन संशोधन गर्ने भएको छ ।
मंगलबार बसेको मन्त्रिपरिषद्को बैठकले मिटरब्याजीमाथि कारबाही गर्ने गरी कानुन संशोधन गर्ने निर्णय गरेको हो । बैठकले मिटरब्याज सम्बन्धमा मुलुकी अपराध संहितामा समावेश गर्ने गरी कानुन संशोधनका लागि प्रक्रिया अघि बढाउने निर्णय गरेको एक मन्त्रीले जानकारी दिए ।
मिटरब्याजमा रकम असुलीलाई अपराध मान्न मुलुकी अपराध संहिता ऐन, मुलुकी फौजदारी कार्यविधि संहिता ऐन, मुलुकी देवानी संहिता ऐन र मुलुकी देवानी कार्यविधि संहिता ऐनका केही प्रावधान संशोधन गरिनेछ । मिटरब्याज पीडितहरू केही दिनदेखि काठमाडौं आएर आन्दोलन गरिरहेका छन् ।
मिटरब्याज पीडितहरूको समस्या समाधानका लागि वार्ता गर्न यसअघि सरकारले गृह मन्त्रालयका सहसचिव रुद्रादेवी शर्माको संयोजकत्वमा समिति पनि गठन गरेको थियो । उक्त समितिमा गृह मन्त्रालयका उपसचिव दिलकुमार तामाङ, प्रधानमन्त्री तथा मन्त्रिपरिषद् कार्यालयका उपसचिव उमाकान्त अधिकारी र कानुन, न्याय तथा संसदीय मामिला मन्त्रालयका उपसचिव जंगबहादुर डङ्गा सदस्य छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)