आश्रममा आश्रितलाई माओवादी केन्द्रले खुवायो तीजको दर

सेतोमसी
भाद्र ३१, २०८० आइतवार

आश्रममा आश्रितलाई माओवादी केन्द्रले खुवायो तीजको दर

अ +
अ
अ -

बुटवल । महिलाहरुको पर्व हरितालिका (तीज)को अवसरमा नेपाल कम्युनिष्ट पार्टी (माओवादी केन्द्र) लुम्बिनी प्रदेश समितीको संयोजनमा मानव सेवा आश्रममा ( बुटवल सुख्खानगर) आश्रितहरुलाई दर खुवाइएकोछ ।

आश्रमका ४० भन्दा बढी महिला तथा बालबालिकालाई दर खुवाइएको अध्यक्ष सुदर्शन बरालले जानकारी दिए ।

माओवादी केन्द्रले शुरु गरेको विशेष रुपान्तरण अभियान कै दौरानमा रचनात्मक कार्यक्रम अन्तरगत आश्रममा सहयोग गरेको उनले बताए। "माइती हुने चेलीबेटी माइतमा दर खान जानु होला । घरबार बिहिनहरु कहाँ जाने ? पार्टी अभिभावक बन्न पर्छ भनेर सानो कोशेली स्वरूप दर खुवाएका हौं ।" उनले भने - "घरबारबिहिनहरुको संरक्षणको दायित्व सबैको हो भन्ने सन्देश दिन मात्र खोजिएको हो ।"

पुर्ब मन्त्री समेत रहेका अध्यक्ष बरालले घरबार बिहिनको संरक्षणको पुर्ण दायित्व सरकारको रहने र मन्त्री हुँदा आश्रमको स्थायित्वको लागि काम सुरु गरेको स्मरण गरे ।

आश्रममा बिहान एक छाक दर खुवाउनुको साथै आर्थिक सहयोग पनि गरेको कोषाध्यक्ष निर्दोश अलिले जानकारी दिए ।

पार्टी समितिको संयोजनमा गरिएको कार्यक्रममा माओवादी केन्द्र रुपन्देहीका नेताहरू नारायण जिसि निर्मल, रिज्जु श्रेष्ठ, महेन्द्र भुसाल, लाल बहादुर थापा लगायतको उपस्थित रहेको थियो ।

आश्रमको रुपन्देही जिल्ला संयोजक टीका थापाले तिजमा सम्झिएर दर खुवाउन आएकोमा धन्यवाद दिइन । रुपन्देहीको मणिग्राम पश्चिम पहुनीको आश्रममा १६० जना र बुटवल सुख्खानगर आश्रममा ४० जना गरि रुपन्देहीको आश्रममा २ सय जनाले आश्रय लिएरहेका छ्न । बुटवल आश्रममा महिला र बालबालिका रहेका छ्न ।