नविन लुइँटेल, देवदह । रुपन्देहीको देवदहमा बालबालिकाको लागि आवधिक लगानी योजना तयारी कार्यशाला गोष्ठी सम्पन्न भएको छ। देवदह नगरपालिका वडा नं ५ को आयोजनामा पानबारीस्थित स्वास्थ्य तालिम केन्द्रमा एकदिने कार्यशाला गोष्ठी सम्पन्न भएको हो ।
कार्यशालामा बोल्दै वडा अध्यक्ष गणेश डुम्रेले नगरपालिकाको वार्षिक योजना किताब नछापिदै वडाले र वडा बाल क्लबले ३ वटा काम गरिसकेको बताए। फागुन २ गतेको दिन बाल मैत्री वडा घोषणा गर्ने गरि आफूहरू अघि बढेको बताउंदै उनले गोष्ठीमा छलफल भएको योजनालाई सम्पादन गरि तोकिएको समयमा कार्यान्वयनमा ल्याउन सरोकारवालालाई आग्रह गरे ।
गोष्ठीमा प्रशिक्षकको रुपमा सहभागी शर्मिला पौडेलले बालमैत्री वडा बनाउनको लागि गर्नैपर्ने सुचक, काम र कर्तव्य बारेमा विश्लेषण गरेकी थिइन।
कार्यक्रममा वडाका जनप्रतिनिधि, वडा बाल संजाल, बाल सन्जाल फोकल पर्सन, स्वास्थ्य स्वयंसेविका र विभिन्न विद्यालयका विद्यार्थीको उपस्तिथि रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology