मालिका गाउँपालिका र हेफर प्रोजेक्टको आर्थिक साझेदारीमा उपहार स्वरुप बाख्रा प्रदान

अनिष पन्थी
श्रावण ७, २०७८ बिहिवार

मालिका गाउँपालिका र हेफर प्रोजेक्टको आर्थिक साझेदारीमा उपहार स्वरुप बाख्रा प्रदान

अ +
अ
अ -

अनिष पन्थी, गुल्मी । मालिका गाउँपालिका गुल्मी र हेफर प्रोजेक्ट नेपालको आर्थिक साझेदारी तथा एकीकृत ग्रामीण बिकास समाज गुल्मीद्वारा सन्चालित सामुदायिक बिकासका लागि बाख्रा उधम परियोजना अन्तर्गत मालिका गाउँपालिकाको वार्ड न ४ को अर्खावाङमा मुलाबारी महिला समुह (दिदिसमूह) ले प्रगतिशील महिला समूह (बहिनीसमुह)लाई १० ओटा बाख्रा उपहार स्वरुप प्रदान गरेको छ।

महिला ससक्तिकरण तथा महिलाहरुको आर्थिक बिकासको लागि यो कार्यक्रम राम्रो र उपयोगी भएको
मालिका गाउँपालिकाका प्रमुख रित बहादुर थापाले बताए ।

यो कार्यक्रमले सिङ्गो मालिका गाउँपालिकाको लागि हित पुराएको र महिलाहरुलाइ केही गर्न प्रेरित गरेको थापाले बताए ।

कार्यक्रममा एकीकृत ग्रामीण बिकास समाज गुल्मीका प्राबिधिक समयोजक अम्मर बहादुर थापाले र परियोजना समयोजक जगत बहादुर रानाले शुभकामना मन्तव्य राखेका थिए ।

समुहकि अध्यक्ष खुम कुमारी घर्तिको अध्यक्षता रहेको उक्त कार्यक्रममा मालिका गाउँपालिकाका अध्यक्ष रित बहादुर थापाको प्रमुख आथित्यता रहेको थियो।

मालिका गाउँपालिका वडा न ४ का वडाअध्यक्ष हिरालाल अर्यालको विशेष आतिथियता रहेको कार्यक्रमको सन्चालन समुहकि सचिव उषा अर्यालले गर्नुभएको एकीकृत ग्रामीण बिकास समाज परियोजना समयोजक जगत बहादुर रानाले जानकारी दिए ।