देवदह । देवदह नगरपालिकाका नगरप्रमुख ध्रुवप्रसाद खरेलले देवदहलाई पर्यटकिय र अध्यात्मिक नगरी बनाउने गरि काम भइरहेको बताएका छन् । शनिवार नगरपालिकाले आयोजना गरेको शिक्षा र अध्यात्म विषयक प्रवचन कार्यक्रममा बोल्दै प्रमुख खरेलले देवदह पर्यटकिय र अध्यात्मिक नगरी घोषित भैसकेकोले सोही अनुसार नगरपालिकाले काम गरिरहेको बताए ।
गौतम बुद्धको मावलीस्थल देवदहमाभौतिक विकास मात्र नभएर मानविय विकास पनि उत्तिकै आवश्यक रहेको उल्लेख गर्दै प्रमुख खरेलले मानवीय विकासको लागि शिक्षा र अध्यात्म अत्यावश्यक रहेको जिकिर गरे । देवदह- स्थित देवदह आदर्श बहुमुखी क्याम्पसमा योगको कक्षा सन्चालन भैरहेको बताउंदै उनले अहिलेको शिक्षालाइ रुपान्तरण गरेर विद्यार्थीले चाहे अनुसारको शिक्षा, अध्यन विधि आवश्यक रहेको तर्क गरे ।
प्रमुख प्रशिक्षक एलपी भानु शर्माले शिक्षा र अध्यात्म मानिसको जीवनमा निकै महत्त्वपूर्ण रहेको बताए। उनले अहिलेको शिक्षा र अध्यात्म एक सिक्का दुइ पाटाको रुपमा रहेको तारक गरे । आफुले ६५ देशमा काम गरिसकेको उल्लेख गर्दै उनले पर्यटकिय सम्भावनाको खोजी गर्न आवश्यक रहेको सुझाए।
कार्यक्रममा जीवन विज्ञान प्रशिक्षक दुर्गा बहादुर क्षेत्रीले योग ध्यान साधना गराएका थिए ।
कार्यक्रममा देवदह नगरपालिकाका नगर प्रवक्ता गणेश डुम्रे लगायतको उपस्थिति रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
