लेटरप्याड, छाप र प्रचण्डको हस्ताक्षर दुरुपयोगप्रति माओवादीको आपत्ति

सेतोमसी
श्रावण १३, २०७८ बुधवार

लेटरप्याड, छाप र प्रचण्डको हस्ताक्षर दुरुपयोगप्रति माओवादीको आपत्ति

अ +
अ
अ -

काठमाडौ । नेकपा (माओवादी केन्द्र)ले आफ्नो अध्यक्ष पुष्पकमल दाहाल 'प्रचण्ड'को हस्ताक्षर, पार्टीको लेटरप्याड र छाप दुरुपयोग भएकोप्रति आपत्ति जनाएको छ ।

माओवादी केन्द्रीय कार्यालयका सचिव श्रीराम ढकालले बुधबार एक विज्ञप्ति जारी गर्दै पार्टीको लेटरप्याड, छाप र अध्यक्ष प्रचण्डको हस्ताक्षर दुरुपयोग गरेर गरिएको झुटो प्रचारको भ्रममा नपर्न सिंगो पार्टी पंक्ति, लोकतान्त्रिक शक्तिहरु र आम जनसमुदायमा समेत अनुरोध समेत गरेका छन्।

'कमरेड प्रचण्डको नक्कली हस्ताक्षर राखि सिंगो पार्टी पंक्ति, ५ दलीय गठबन्धन र आम जनसमुदायमा समेत भ्रम सिर्जना गर्ने कुत्सित उद्देश्यका साथ सामाजिक सञ्चालमा कथित मन्त्रिमण्डल बिस्तार सम्बन्धमा भनी गलत सूचना प्रवाह गरिरहेको सम्बन्धमा हाम्रो पार्टीको गम्भीर ध्यान आकृष्ट भएको छ।' विज्ञप्तिमा लेखिएको छ ।

गठबन्धन र आम जनसमुदायमा समेत भ्रम सिर्जना गर्ने कुत्सित उद्देश्यका साथ सामाजिक सञ्चालमा कथित मन्त्रिमण्डल बिस्तार सम्बन्धमा भनी गलत सूचना प्रवाह गरिरहेको स्पष्ट पारेका छन् ।

प्रतिगमनकारी, पश्चगामी र पुरातनवादी तत्वहरु अत्तालिएर क्रान्तिकारी र लोकतान्त्रिक शक्तिहरूलाई बदनाम गर्ने कुत्सित मनसायले यस्ता हर्कतहरू भएको उल्लेख गरिएको छ ।
प्रविधिको दुरुपयोग गरी समाजमा भ्रम फैलाउने तत्वहरु माथि यथाशीघ्र अनुसन्धान गरी कडा कारबाहीको माग समेत गरिएको छ ।

बुधबार बिहानै देखि सामाजिक संजालभरी आजकै मिति राखेर नेकपा माओवादी केन्द्रको लेटरप्याडमा आज सांझ बसेको पार्टीको औपचारिक बैठकले निम्नानुसारको निर्णय गरिएको भन्दै बुंदागत रुपमा भ्रामक प्रचार गरिएको थियो । ‘मन्त्रिमण्डल विस्तार’, एमसिसि तथा अपताफ आलमलाइ रिहाइ गर्न माग लगायतका बारेमा भ्रामक प्रचार भएको थियो ।