देवदह महोत्सव

टोलस्तरिय डोरी तान्ने प्रतियोगितामा संगम टोल विजेता

सेतोमसी
फाल्गुण ६, २०८० आइतवार

टोलस्तरिय डोरी तान्ने प्रतियोगितामा संगम टोल विजेता

अ +
अ
अ -

देवदह । आठौं राष्ट्रिय देवदह औद्योगिक व्यापार मेला, कृषि तथा पर्यटन महोत्सवमा आयोजित डोरी तान्ने प्रतियोगितामा संगम टोलविकास संस्था देवदह-३ विजेता भएको छ । आइतबार सम्पन्न फाइनल खेलमा रम्भादेवी टोलविकास संस्था देवदह -१० लाई उपविजेतामा धकेल्दै संगम टोल विजेता भएको हो ।

प्रतियोगितामा शिवालय टोलविकास संस्था देवदह ६ तेस्रो भएको छ भने सृष्टि टोलविकास संस्था देवदह-४ सान्तवना भएको महोत्सवका खेल संयोजक मिलन मास्की रानाले जानकारी दिए ।

टोलविकास संस्थाहरूबीच मैत्रीपुर्ण सम्पन्न स्थापित गर्न र लोप हुँदै गरेको डोरी तान्ने खेलको प्रवर्धन गर्न प्रतियोगिता आयोजना गरिएको खेल संयोजक मिलन मास्की रानाले बताए ।

देवदह नगरपालिकाभित्रका १४ वटा टोलविकास संस्था सहभागी प्रतियोगितामा चार टिम सेमिफाइनल प्रवेश गरेका थिए ।

प्रतियोगितामा प्रथम, दोस्रो र तेस्रो हुनेलाई क्रमश: आठ हजार, पाँच हजार र तीन हजार सहित ट्रफी, मेडल र प्रमाणपत्र प्रदान गरिएको छ ।

२०६ वटा व्यावसायिक स्टल, १२ वटा होटल र ६ वटा सांस्कृतिक खानाका स्टलसंगै ११ वटा कृषि स्टल रहेको महोत्सवमा बाल उद्यान, सांस्कृतिक खाजासहित स्थानीय उत्पादनको प्रदर्शन गरिएको छ ।

कृषि, पर्यटन, उद्योग र व्यापार : देवदह नगर समृद्धिको आधार मूल नारा सहित संचालन गरिएको महोत्सव एक लाख दर्शकले अवलोकन गर्नेे र मेलामा दश करोड बरावरको कारोवार हुने लक्ष्य लिईएको आयोजकले जनाएको छ ।