सेभेन स्टारको १७औं वार्षिकोत्सव

सेतोमसी
फाल्गुण ७, २०८० सोमवार

अ +
अ
अ -

देवदह । देवदह नगरपालिका वडा नं २ मा अवस्थित सेभेन स्टार बोर्डिङ स्कुलले १७ औं वार्षिकोत्सव मनाएको छ । आइतबार एक कार्यक्रमबीच विद्यालयले
१७ औं वार्षिकोत्सव तथा अभिभावक दिवस मनाएको हो ।

एक समारोहबीच पुस्तक प्रदर्शनी, बिज्ञान प्रदर्शनी तथा पुरस्कार वितरणसंगै विद्यालयले वार्षिकोत्सव मूल समारोह सम्पन्न गर्यो ।

मूल समारोहमा कलाकार धनराज गुरुङ समेतको सांस्कृतिक प्रस्तुतिसंगै र विद्यार्थीले प्रतिभा प्रस्तुत गरेका थिए ।

जिल्ला समन्वय समिति रुपन्देहीका प्रमुख उमाकान्त चापागाईंको प्रमुख आतिथ्यतामा रहेको कार्यक्रममा विद्यालयका प्रबन्ध निर्देशक मोहन गिरि, विद्यालय व्यवस्थापन समितिका अध्यक्ष प्रजापति सापकोटा, विद्यालयका प्रधानाध्यापक टिकाराम चापागाईं लगायतको उपस्थिति रहेको थियो ।