चैत्र ३० बुटवल - सोमबार रुपन्देहीमा कोरोनाका कारण तीन जनाले ज्यान गुमाएका छन् । बुटवलस्थित कोरोना विशेष अस्पतालमा रुपन्देही, कपिलवस्तु र अर्घाखाँचीका एक/एक जना कोरोना संक्रमितको मृत्यु भएको अस्पतालका प्रवक्ता डाक्टर विष्णु गौतमले जानकारी दिनु भयो ।
मृत्यु हुनेमा रुपन्देहीको तिलोत्तमा–१ की ७१ वर्षीया महिला, कपिलवस्तुका ७९ वर्षीय पुरुष र अर्घाखाँचीको मालारानी ५ की ७९ वर्षीया महिला रहेको गौतमले जानकारी दिनुभयो ।
रुपन्देही तिलोत्तमाकी महिलामा चैत २१ गते कोरोना संक्रमण देखिएकोमा २३ गते अस्पताल भर्ना भएकी थिइन्।
यस्तै अर्घाखाँचीकी महिलामा र कपिलबस्तुका पुरुषमा चैत २७ गते कोरोना संक्रमण पुष्टि भएको थियो। उनीहरूको सोही दिन कोरोना विशेष अस्पताल भर्ना गरि उपचार सुरु गरिएको थियो । तीनै जनामा ज्वरो, दम, निमोनिया जस्ता समस्या देखिएको थियो।
केहि दिनयता कोरोना संक्रमण बढ्न थालेपछि नागरिकहरूमा त्रास थपिएको छ। छिमेकी देश भारतमा कोरोनाको दोस्रो लहर चलिरहदा नेपालमा पनि संक्रमणको जोखिम देखिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
