देवदह ९ र ४ पूर्ण संस्थागत प्रसुती सेवायुक्त वडा घोषणा

सेतोमसी सहकर्मी

देवदह ९ र ४ पूर्ण संस्थागत प्रसुती सेवायुक्त वडा घोषणा

अ +
अ
अ -

देवदह । रुपन्देहीको देवदह नगरपालिका–९ र ४ लाई पूर्ण संस्थागत प्रसुती सेवायुक्त वडा घोषणा गरिएको छ । सरकारले तयार गरेको मापदण्ड पुरा गरेपछि दुवै वडालाई पूर्ण संस्थागत प्रसुती सेवायुक्त वडा घोषणा गरिएको नगरपालिकाले जनाएको छ ।

बुधबार एक कार्यक्रमका वीच देवदह नगरपालिकाका कार्यवाहक नगर प्रमुख विद्यालक्ष्मी गुरुङ्ले दुवै वडालाई पूर्ण संस्थागत प्रसुती सेवायुक्तको प्रमाण पत्र प्रदान गरिन् ।

सो अवसरमा बोल्दै कार्यवाहक नगर प्रमुख गुरुङ्गले मातृमृत्यु दर घटाउने गरी पूर्ण संस्थागत प्रसुती सेवायुक्त वडा घोषणा गरिएको बताइन् । पूर्ण संस्थागत प्रसुती सेवायुक्त वडा घोषणा गरेर मात्र नहुने उल्लेख गर्दै उनले सुनिश्चितता र दीगोपना आवश्यक रहेकोमा जोड दिइन् । देवदह नगरपालिकाले शिक्षा र स्वास्थ्यलाई प्राथमिकता दिएर अगाडि बढिरहेको बताउदै उनले छिट्टै पूर्ण संस्थागत प्रसुती सेवायुक्त नगर घोषणा गर्ने गरी अभियानलाई तिव्रता दिईरहेको बताइन् ।

वडामा रहेका ६० जना आमाहरु स्वास्थ्य संस्थामा प्रसुती गरेपछि पूर्ण संस्थागत प्रसुती सेवायुक्त वडा घोषणा गरिएको स्वास्थ्य शाखा प्रमुख काशीनाथ बन्जाडेले जानकारी दिए ।