पोखराको हेमजामा हिले महोत्सव, तयारी सुरु

सेतोमसी सहकर्मी

पोखराको हेमजामा हिले महोत्सव, तयारी सुरु

अ +
अ
अ -

राजेश पराजुली, पोखरा । पोखरा महानगरपालिका वडा नं २५ हेमजामा चौथो हिले महोत्सव हुने भएको छ । स्थानीय देवीस्थान सेवा समाजले आगामी असार १५ गते महोत्सव आयोजना गर्न लागेको हो ।

स्थानीय देवीस्थान टोलमा ‘कृषिमा कृषकलाई प्रोत्साहनः विष्णुपादुका मन्दिर हेमजाको शान’ भन्ने नाराका साथ महोत्सव हुन लागेको हो । महोत्सवका सम्पन्न गर्न तयारी सुरु भएको छ ।

महोत्सवका लागि संस्थाका अध्यक्ष पं. हरिशरण पौडेलको संयोजकत्वमा मूल आयोजक समिति गठन गरिएको छ ।

यस्तै, अर्थ संकलनमा चन्द्रा पोखरेल, प्रचारप्रसारमा निराजन अधिकारी, महोत्सव व्यवस्थापनमा विष्णुप्रसाद तिमिल्सिना, स्वागत सत्कारमा अञ्जिता तिमिल्सिना, कार्यक्रम सञ्चालनमा परशुराम अधिकारी संयोजक तोकिएका छन् ।

यसैगरी खाजा तथा खानेपानीमा मनु तिमिल्सिना, स्वयंसेवक तथा युवा परिचालनमा जीवन बास्तोला, सचिवालय व्यवस्थापनमा विष्णु भण्डारी, मञ्च व्यवस्थापनमा खिमलाल तिमिल्सिना, यातायात व्यवस्थापनमा सुवास कुँवर, मायाको चिनो तथा साउन्ड सिस्टम व्यवस्थापनमा विष्णु भण्डारी, सरसफाइमा चेतनारायण तिमिल्सिना, सांस्कृतिकमा बुद्धदेवी कुँवर, खेल सञ्चालन निर्णायकमा इन्द्रबहादुर कुँवर तथा महिला परिचालनमा उमा भुर्तेल संयोजक तोकिएको सहसचिव अञ्जिता तिमिल्सिनाले जानकारी दिइन् ।