राजेश पराजुली, पोखरा । काठमाडौँबाट लमजुङ आउँदै गरेको हायलक्स गाडी नुवाकोटमा दुर्घटना हुँदा चालकको मृत्यु भएको छ । सो दुर्घटनामा अर्का एक जना गम्भीर घाइते भएका छन् ।
दुर्घटनाग्रस्त गाडी हाइड्रोपावर कम्पनीको भएको बताइएको छ । बा१४च ३८५५ नम्बरको गाडी आज टोखा-छहरे सडक खण्डबाट करिब पाँच सय मिटर तल खसेको बताइएको छ ।
घाइतेलाई उद्धार गरी अस्पताल पुर्याइएको प्रहरीले जनाएको छ । गाडीमा ६ जना यात्रु रहेको बताइन्छ । थप विवरण आउन बाँकी छ ।
नागढुंगातर्फको बाटोमा घण्टौँ जाम हुने र जोखिमपूर्ण पनि भएको भन्दै धेरै सवारी चालकले नुवाकोटको बाटो प्रयोग गर्ने गरेका छन् ।
सोही बाटो भएर आउनेक्रममा केही दिन अघि पोखरा आउँदै गरेको गाडी पनि दुर्घटना भएको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
