काँग्रेस भित्रको एकताले सबै तानाशाह ढल्ने - नेता भरत बस्नेत

सेतोमसी
आश्विन १९, २०७८ मंगलवार

काँग्रेस भित्रको एकताले सबै तानाशाह ढल्ने - नेता भरत बस्नेत

अ +
अ
अ -

गुल्मी । नेपाली काँग्रेस भित्र भावनात्मक एकता अहिलेको प्रमुख आवश्‍यकता भएको काँग्रेस नेताहरूले बताएका छन । रुरुक्षेत्र गाउँपालिकाकाको रिडीमा आयोजित नेपाली काँग्रेस रुरुक्षेत्र गाउँपालिकाको प्रथम अधिवेशन स्थल रुरु संस्कृत विध्यापिठमा बोल्दै नेपाली काँग्रेसका नेता तथा महासमिति सदस्य भरत बस्नेतले काँग्रेस भित्रको एकताले सबै तानाशाह ढल्ने बताए ।

पछिल्लो चरणमा रुरुक्षेत्रमा देखिएको काँग्रेस प्रतिको आकर्षणले हामिले विजयको झण्डा फहराउन कसैले रोक्न नसक्ने नेता बस्नेतले ठोकुवा गरे । आफूलाई कुनै पदप्रतिष्ठा सम्मान नचाहिएको मात्र काँग्रेस चाहिएको बताउँदै नेता बस्नेतले यही रुरुक्षेत्रमा नेपाली काँग्रेसकाे झण्डा फहराउने आफ्नो अभिष्ठ भएको बताए ।

अधिवेशनमा शुभकामना दिँदै रुरुक्षेत्रका काँग्रेस तथा छायाँ सरकार प्रमुख देवेन्द्र मल्लले काँग्रेस अव गुट उपगुटमा नअल्झिने हो भने काँग्रेसकाे भविष्य उज्ज्वल रहेको बताए । अधिवेशनमा आफ्नो धारणा राख्दै नेपाली कंग्रेसका युवा नेता तथा रुरुक्षेत्र गाउँपालिका वडा न १ का अध्यक्ष अमूल्य श्रेष्ठले युवाको जोस र पाकाको होसका सम्मिश्रणले नेपाली काँग्रेस बलियो हुने बताए ।

नेपाली काँग्रेस ग्वादि गाउँ समितिका पूर्व पार्टी सभापति देवेन्द्र मल्लको अध्यक्षतामा भएको कार्यक्रममा नेपाली काँग्रेस बाट वडामा निर्वाचित वडा सभापतिहरु र ग्रामीण क्षेत्रमा रहेर पत्रकारिता गरिरहेका सेतोमसीका पत्रकार कृष्ण अन्जानलाई सम्मान गरिएको थियो । अधिवेशनमा रुरुक्षेत्र गाउँ पालिका भित्रका ६ वटा वडाहरूका क्षेत्रिय प्रतिनिधि र वडा सभापति गरि छयानब्बे जना प्रतिनिधि रहेकाे निर्वाचन अधिकृत अनिल श्रेष्ठले बताए ।