काठमाडौं । उदयपुरको चौदण्डीगढी नगरपालिका-१ रानीटारबाट १ हजार १ सय ४३ किलो २ सय ७५ ग्राम अवैध लागूऔषध गाँजा सहित २ जनालाई बिहिवार दिउसो प्रहरीले पक्रेको छ ।
पक्राउ पर्नेहरूमा सोही ठाउँ बस्ने रत्न माया श्रेष्ठ र ४२ वर्षीया कमला श्रेष्ठ रहेका छन् । रत्न मायाको घरमा लागूऔषध गाँजा लुकाई छिपाई राखेको भन्ने सूचनाको आधारमा जिल्ला प्रहरी कार्यालय उदयपुरबाट खटिएको प्रहरी टोलिले उनको घर तलासी गर्दा ३५ वटा बोरामा रहेको उक्त परिमाणको गाँजा सहित दुबै जनालाई पक्राउ गरेको हो ।
त्यस्तै सिन्धुली, हरिहरपुरगढी गाउँपालिका-२ झनझनेबाट १ सय ७ किलो १ सय १० ग्राम अवैध लागूऔषध गाँजा सहित रौतहट गरूडा नगरपालिका-४ का १९ वर्षीय गोपाल साहलाई समेत शुक्रवार बिहान प्रहरीले पक्रेको छ ।
प्रहरी चौकी झनझनेबाट खटिएको प्रहरीले कुलेखानीबाट सिन्धुलीतर्फ आउँदै गरेको प्र.२-०३-००१ च ५६७१ नम्बरको बोलेरो पिकअपलाई तलासी गर्दा सिमेन्टको बोराले छोपी लुकाई छिपाई राखेको उक्त परिमाणको गाँजा फेला पारी पिकअप चालक साहलाई पक्राउ गरेको हो ।
यस सम्बन्धमा आवश्यक अनुसन्धान गरिरहेको प्रहरीले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)