एकीकृत समाजवादीको पहलमा नेपाल एयरलाइन्सको जहाजले बझाङमा उडान भर्दै

सेतोमसी सहकर्मी

एकीकृत समाजवादीको पहलमा नेपाल एयरलाइन्सको जहाजले बझाङमा उडान भर्दै

अ +
अ
अ -

रमेश बहादुर सिंह । नेपाल कम्युनिस्ट पार्टी एकीकृत समाजवादीका नेता कार्यकर्ताको पहलमा बझाङमा नेपाल एयरलाइन्सले उडान भर्ने भएको छ । भोलि अर्थात् आइतबारबाट नेपाल एयरलाइन्सले बझाङमा उडान भर्दै छ ।

संस्कृति, पर्यटन तथा नागरिक उड्डयनमन्त्री प्रेम आलेले गेटा विमानस्थलको निरीक्षण गर्ने क्रममा यात्रुहरूको चाप ह्वात्तै बढेको पाईएको भन्दै थप जहाज आवश्यक परेका बताएका थिए ।

धनगढीलाई बेस बनाएर जिल्लामा हवाई सेवा सञ्चालन गर्नका लागि आईतबार परीक्षण उडान हुने भएको हो । लगातारको वर्षाका कारण सुदुरपश्चिमका पहाडी राजमार्ग अवरुद्ध भएपछि हवाइ यात्रा एकमात्र विकल्पका रूपमा रहेको छ ।

सुदूरपश्चिमको पहाडी जिल्लामा नेपाल वायुसेवा निगम (नेपाल एयरलाइन्स) ले उडानका लागि तालिका सार्वजनिक भइसकेको धनगढी विमानस्थलले जनाएको छ । धनगढी विमानस्थलका प्रमुख रामकृष्ण भट्टले भोलि पहिलो दिन धनगढीबाट डोटीको दीपायल र दोस्रो उडान बझाङमा उडान हुने बताए । धनगढीदेखि डोटी २ हजार ६१५ र डोटीबाट धनगढी २ हजार ५१५ भाडादर कायम भएको छ ।

धनगढीदेखि बझाङको ३ हजार ९९५ र बझाङदेखि धनगढी ३ हजार ८९५ हवाई भाडादर कायम भएको छ । जिल्ला प्रशासन कार्यालय बझाङका अनुसार भोली विहान ९ बजेर १५ मिनेटमा नेपाल वायुसेवा निगमले धनगडी बझाङ उडान गर्ने छ । हवाई भाडा सस्तो भएको हुँदा नियमित उडान गर्नुपर्ने बझाङवासीको माग छ । एउटा एयरलाइन्सले मात्र उडान गर्दा यात्रुहरूलाई झन् समस्या भइरहेको धनगढी विमानस्थलले जनाएको छ ।

जिल्लामा बिपतको बेला समस्या भएको भन्ने जनगुनासो बढेपछी आफुले मन्त्री आलेलाई आग्रह गरेर आफ्नो पहलमा जहाज ल्याउन सफल भएको नेकपा एकिकृत समाजबादीका केन्द्रीय सदस्य तथा बझाङ जिल्ला ईन्चार्ज दिल बहादुर सिंहले बताए ।