इरान–इजरायल युद्ध

इजरायलले कडा सजाय पाउनेछ- सर्वोच्च नेता खामेनी

एजेन्सी
जेठ ३०, २०८२ शुक्रवार

इजरायलले कडा सजाय पाउनेछ- सर्वोच्च नेता खामेनी

अ +
अ
अ -

काठमाडौँ । इरानका सर्वोच्च नेता अयातोल्लाह अली खामेनीले इजरायललाई कडा सजाय दिने चेतावनी दिएका छन् । शुक्रवार बिहान इजरालले गरेको इरानमाथिको आक्रमणपछि खामेनी एक विज्ञप्ति जारी गर्दै खामेनीले यस्तो चेतावनी दिएका हुन् ।

खामेनीले भनेका छन्- 'इजरायलले कडा सजाय पाउनेछ । इजरायलले हाम्रो देशमा अपराध गर्न आफ्नो दुष्ट र रक्तपातपूर्ण हात खोलेको छ । आवासीय केन्द्रहरूमा आक्रमण गरेर यसले आफ्नो दुर्भावनापूर्ण प्रकृति प्रकट गरेको छ ।'

इजरायलले इरानका परमाणु केन्द्र र सेनाका उच्च अधिकारीहरुलाई निशाना बनाएर आक्रमण गरेको पाइएको छ । यस आक्रमणमा इरानको ठुलो क्षति भएको अनुमान गरिएको छ । इजरायलको आक्रमणमा इस्लामिक रिभोलुसनरी गार्ड कोर्प्सका कमाण्डर हुसेन सलामीको मृत्यु भएको छ भने अन्य सैन्य कमाण्डर, परमाणु वैज्ञानिकहरुको ज्यान गएको छ ।

प्रमुख रुपमा इस्लामिक रिभोलुसनरी गार्ड कोर्प्स अन्तर्गतको खतम अल अनबियाका प्रमुख घोलाम अलि राशिद तथा परमाणु वैज्ञानिकद्वय डा एएस फेरेदौन अब्बासी र डा एएस तेहरानको समेत मृत्यु भएको इरानका मिडियाले पुष्टि गरेका छन् । सलामी बाहेक, इरानका सैन्य प्रमुख मोहम्मद बघेरी, सेनाका शीर्ष तहका अन्य सदस्यहरू र वरिष्ठ आणविक वैज्ञानिकहरू पनि मारिएको दाबि गरिएको छ ।