नेपालगन्ज । नेकपा एमालेका अध्यक्ष केपी शर्मा ओलीले अहिले भारतलाई बेचेको बिजुली आफूले निकालेको दाबी गरेका छन् ।
बुधवार नेपालगंजमा आयोजित पार्टी प्रवेश कार्यक्रममा बोल्दै ओलीले आफ्ना पालामा निकालिएको बिजुली अहिलेको सरकारले भारतलाई बेचेको दाबी गरेका हुन् ।
‘अहिले भारतलाई बेचेको बिजुली हाम्रो पालामा निस्केको हो,’ ओलीले भने, ‘दश बीस बर्षमा हुन नसकेको विकास हामीले गरेका थियौं ।’
उनले आफ्नो सरकारका पालामा भएका विकासले प्रतिपक्षीहरू आत्तिएको टिप्पणी गरे । ‘हामीले विकास गरेपछि उनीहरू (हालका सत्तारूढ गठबन्धनका नेता) आत्तिए,’ ओलीले भने ।
उनले आफूहरू देश बनाउन संकल्प गरेर राजनीति गरेको दाबी गरे । ‘हामी देश बनाउने संकल्पका साथ राजनीति गर्छौं,’ ओलीले भने, ‘हामी विकासको राजनीति गर्छौं । हाम्रै पालामा नेपाल अन्तर्राष्ट्रिय मंचमा सुनिन थालेको थियो ।’
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)