आँखा शिविर

तीजमा दरखाने रकमले आँखा शिविर

सेतोमसी
भाद्र ३, २०८२ मंगलवार

अ +
अ
अ -

देवदह । साना किसान कृषि सहकारी संस्था लि. केरवानीले एक दिने आँखा परिक्षण शिविर गरेको छ । हरितालिका तीजको अवसरमा संस्थाको महिला परिचालन उपसमितिले आयोजना गरेको कार्यक्रममा दुई सय १७ जना सदस्यहरुले आँखा परिक्षण गराएका छन् ।

बुटवल लायन्स अस्पतालको प्राविधिक सहयोगमा भएको परिक्षणका क्रममा २२ जनालाई मोतिया विन्दुको समस्या देखिएको संस्थाले जनाएको छ । समस्या देखिएका बिरामीलाई थप उपचारको लागि बुटवल लायन्स आँखा अस्पताल रेफर गरिएको संस्थका अध्यक्ष दिपक पौडेलले जानकरी दिए ।

कार्यक्रममा लुम्बिनी प्रदेश सभा सदस्य निर्मला देवी चौधरीले सहकारीले सामाजिक गतिविधिलाई बढावा दिनुपर्नेमा जोड दिइन् । सहकारीले किसानका मुद्धामा गम्भिर भएर पैरवी गर्नुपर्ने औंल्याउँदै उनले आवश्यकताका आधारमा रचनात्मक गतिविधि अघि बढाउनुपर्नेमा जोड दिइन् ।

सोही अवसरमा देवदह नगरपालिका वडा नं १ का अध्यक्ष दिपक प्रसाद नेपाल, वडा सदस्य ण प्रसाद न्यौपाने, मेघनाथ न्यौपाने, लेखा संयोजक विष्णुप्रसाद अर्याल, पूर्व अध्यक्ष शिवहरी अहिर डा. अखिलेश यादव, डा. जगदिस सहानी लगाएतले धारणा राखेका थिए ।

सहकारीको महिला परिचालन उपसमिति संयोजक लक्ष्मी शर्माको अध्यक्षता, प्रवन्धक सीता अधिकारीको स्वागत र सञ्चालक समिति सदस्य लक्षु न्यौपानेको सञ्चालनमा कार्यक्रम भएको हो ।