काठमाडौँ । बागमती प्रदेश सभामुख भुवनकुमार पाठकले पदबाट राजीनामा दिएका छन् । उनले बुधवार उपसभामुखलाई संविधान र प्रदेश सभा नियमावली, २०७४ अनुसार औपचारिक राजीनामा पत्र बुझाएका हुन् ।
यसअघि भदौ २४ गते सामाजिक सञ्जालमार्फत राजीनामा दिने घोषणा गरेका भए पनि आधिकारिक पत्र पेश गरेका थिएनन् ।
उनको राजीनामा पत्र प्रदेश प्रमुख, मुख्यमन्त्री र प्रदेश सभा सचिवालयमा पनि पठाइएको छ । यससँगै बागमती प्रदेश सभाको सभामुख पद खाली भएको छ र नयाँ सभामुख चयन प्रक्रिया अघि बढ्नेछ ।
पाठकले राजीनामा पत्रमा जेनजी आन्दोलनका क्रममा भ्रष्टाचारविरुद्धको प्रदर्शनमा अस्वाभाविक बल प्रयोग हुँदा राष्ट्रवादी युवाको ज्यान गएको घटनाले उनलाई गहिरो भावनात्मक आघात पुर्याएको उल्लेख गरेका छन् ।
जनताको चाहना र युवा पुस्ताको भावना विपरीत पदमा रहन उचित नहुने निर्णय गर्दै उनले राजीनामा दिएका हुन् । पाठकले २८ पुस २०७९ मा भएको सभामुख निर्वाचनमा ६२ मत प्राप्त गर्दै पद हासिल गरेका थिए । राप्रपाका उनलाई नेकपा एमाले र माओवादी केन्द्रले समर्थन गरेका थिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)