राजनीतिक वितृष्णा र जेन्जी आन्दोलनबारे बुटवलमा कानूनी व्यवसायीहरूको विचार विमर्श

सेतोमसी
आश्विन ९, २०८२ बिहिवार

राजनीतिक वितृष्णा र जेन्जी आन्दोलनबारे बुटवलमा कानूनी व्यवसायीहरूको विचार विमर्श

अ +
अ
अ -

कार्यक्रममा बोल्दै वरिष्ठ अधिवक्ता तेज प्रसाद कणेलले राजनीतिक दलप्रतिको वितृष्णाले असंगठित युवाहरू विद्रोहमा उत्रिएको बताए । उनले त्यसलाई संगठित र संस्थागत बनाएर जेन्जीको भावना अनुसार अघि बढ्नुपर्नेमा जोड दिए । दलहरूले नेतृत्व र संरचनात्मक सुधार गर्न ढिला गर्न नहुनेमा जोड दिदै उनले परिवर्तनलाई स्वीकार गर्न आनाकाना गर्न नहुने बताए ।

वरिष्ठ अधिवक्ता दिलबहादुर शाहनीले आन्दोलन हुनु अपरिहार्य रहेको र त्यसको विकल्प नभएकाले युवा पुस्ताले विद्रोहको बाटो रोजेको धारणा राखे । त्यस्तै अर्का वरिष्ठ अधिवक्ता लिलाधर मरासिनीले जेन्जी पुस्ता प्राविधिक र तार्किक हिसाबले अब्बल रहेकाले भ्रष्ट नेतृत्त्वविरुद्ध उठेको आन्दोलनबाट प्राप्त उपलब्धि जोगाएर लैजानुपर्नेमा जोड दिए ।

कार्यक्रममा नेपाल कानून व्यवसायी परिषद्का पूर्व पार्षद अधिवक्ता बाबुराम पाण्डे, नेपाल बार एसोसिएसनका निवर्तमान उपाध्यक्ष अधिवक्ता पशुपति भण्डारी, केन्द्रीय सदस्य अधिवक्ता इन्दिरा आचार्य, उच्च अदालत बार एसोसिएसन बुटवलका अध्यक्ष अधिवक्ता गोविन्द प्रसाद मरासिनी, संस्थाका निवर्तमान अध्यक्ष अधिवक्ता मदनकुमार पुन लगायतका कानूनी व्यवसायीहरुको उपस्थिति रहेको थियो ।

साथै अधिवक्ता ज्ञानु के.सी., अधिवक्ता लालबहादुर बस्नेत, अधिवक्ता हेमराज शर्मा, अधिवक्ता नेत्रलाल पाण्डे, अधिवक्ता बिरेन्द्र पाण्डे, अधिवक्ता केशव बस्यालसहित जेन्जी पुस्ताका कानूनका विद्यार्थीहरुको पनि सक्रिय सहभागिता रहेको थियो ।

संस्थाका अध्यक्ष अधिवक्ता दामोदर घिमिरेको अध्यक्षतामा सम्पन्न कार्यक्रमको संचालन सचिव अधिवक्ता अनुप पोख्रेलले गरेका थिए ।