काठमाडौँ । इजरायलले कतारमाथि भएको आक्रमणको लागि माफी मागेको छ । कतारको विदेश मन्त्रालयले यो घोषणा गर्दै एक विज्ञप्ति जारी गरेको छ ।
विदेश मन्त्रालयका अनुसार अमेरिकी राष्ट्रपति डोनाल्ड ट्रम्प, कतारका प्रधानमन्त्री तथा विदेशमन्त्री शेख मोहम्मद बिन अब्दुलरहमान अल थानी र इजरायली प्रधानमन्त्री बेन्जामिन नेतान्याहूले फोन वार्ता गरेका छन् ।
विदेश मन्त्रालयको विज्ञप्तिमा फोन वार्ताको क्रममा इजरायलले कतारमाथि भएको आक्रमणको लागि माफी मागेको दाबी गरिएको छ । कतारी प्रधानमन्त्रीले डोनाल्ड ट्रम्पलाई 'शान्ति स्थापना गर्ने प्रयास' गरेकोमा धन्यवाद दिएका छन् ।
विज्ञप्तिमा भनिएको छ, इजरायली प्रधानमन्त्रीले भविष्यमा कुनै पनि कतारी क्षेत्रलाई लक्षित नगर्ने वाचा गरेको उल्लेख गरिएको छ ।
यस महिनाको सुरुमा, इजरायलले दोहाको एक घरमा हमास नेताहरूलाई लक्षित गरेर आक्रमण गरेको थियो ।
प्यालेस्टिनी संगठन हमासले यस आक्रमणमा आफ्ना पाँच सदस्य र एक कतारी सुरक्षा अधिकारी मारिएको बताएको छ । त्यसपछि इजरायल र कतारको सम्बन्ध बिग्रिएको थियो । कतारले हमाससँगको वार्ता र बन्धक छुटाउन मध्यस्तकर्ताको महत्वपूर्ण भूमिका खेल्दै आएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
