टी-२० विश्वकप

टी-२० विश्वकप खेल्ने सबै २० देशको टुंगो, कुन क्षेत्रबाट को-को छनौट भए ?

सेतोमसी
आश्विन ३१, २०८२ शुक्रवार

टी-२० विश्वकप खेल्ने सबै २० देशको टुंगो, कुन क्षेत्रबाट को-को छनौट भए ?

अ +
अ
अ -

काठमाडौँ । एसिया र इस्ट एसिया–प्यासिफिक क्षेत्रबाट आइसीसी पुरुष टी-२० विश्वकपमा नेपाल र ओमानसहित युएई छनौट भएका छन् ।

सुपर सिक्सको खेलमा जापानलाई पराजित गर्दै युएई विश्वकपमा छनौट भएको हो । नेपाल र ओमान यसअघि नै छनौट भएका थिए ।

ओमानमा जारी एशिया क्षेत्रको विश्वकप छनौटमा नेपाल, ओमान र युएई छनौट भएसँगै भारत र श्रीलंकामा हुने २०२६ को टी-२० विश्वकपमा छनौट हुने सबै २० देशको टुंगो लागेको छ ।

टी-२० विश्वकप भारत र श्रीलंकामा आगामी फेब्रुअरी ७ देखि मार्च ८ (माघ २४ देखि फागुन २४ ) सम्म आयोजना हुदै छ ।

यस विश्वकपमा भाग लिने २० देशमा भारत र श्रीलंका आयोजकको हिसाबले छनौट भएका छन् भने सात देश अघिल्लो विश्वकपका शिर्ष सातमा स्थानमा रहेको आधारमा छनौट भएका छन् । जसमा अफगानिस्तान, अस्ट्रेलिया, बंगलादेश, इङल्याण्ड, दक्षिण अफ्रीका, अमेरिका र वेस्ट इन्डिज रहेका छन् । त्यस्तै २०२४ को जुन ३० सम्म आइसीसीको वरियताबाट तीन देश छनौट भएका छन् । जसमा आयरल्याण्ड, न्यूजील्याण्ड र पाकिस्तान रहेका छन् ।

त्यसैगरी अमेरिका क्षेत्रको छनौटबाट क्यानडा छनौट भएको छ भने युरोप क्षेत्रको छनौटबाट इटाली र नेदरल्याण्डस विश्वकपमा छनौट भएका छन् ।

त्यस्तै अफ्रिका क्षेत्रको छनौटबाट नामिबिया र जिम्बाबे छनौट भएका छन् ।