काठमाडौँ । बंगलादेशको मयमनसिंह जिल्लाको वालुका क्षेत्रमा २७ वर्षीय हिन्दू युवा दिपु चन्द्र दासको हत्याको घटनामा संलग्न सात जना पक्राउ परेका छन् ।
अन्तरिम सरकारका प्रमुख सल्लाहकार मोहम्मद युनुसले यस जघन्य घटनामा संलग्न सात जना अभियुक्तलाई र्यापिड एक्सन बटालियनले पक्राउ गरेको जानकारी दिएका छन् ।
युनुसले सरकार कानून व्यवस्था कायम राख्न र अपराधीहरूलाई न्यायको कठघरामा ल्याउन पूर्ण रूपमा प्रतिबद्ध रहेको बताउदै कुनै पनि प्रकारको साम्प्रदायिक हिंसा नसहने बताएका छन् ।
युनुसले यो घटना मानवताविरुद्धको अपराध मात्र नभएर सामाजिक सद्भावलाई कमजोर पार्ने प्रयास पनि भएको बताएका छन् । उनले कानून अन्तर्गत अपराधीहरू विरुद्ध कडा कारबाही गरिने र पीडित परिवारलाई न्याय दिइने आश्वासन दिएका छन् ।
बंगला ट्रिब्यून समाचार पोर्टलको रिपोर्ट अनुसार, मयमनसिंह शहरमा बिहीबार दिपु चन्द्र दास नामक एक हिन्दू व्यक्तिलाई कुटपिट गरी हत्या गरिएको थियो । हत्यापछि भीडले उनको शरीरमा आगो लगाइदिएको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
