काठमाडौँ । बंगलादेश क्रिकेट बोर्ड (बीसीबी) ले महिला टोलीकी क्रिकेटर जहाँनारा आलमले लगाएको उत्पीडन आरोपमाथि गरिएको छानबिनपछि पूर्व महिला टोली चयनकर्ता तथा व्यवस्थापक मोन्जुरुल इस्लामलाई सबै प्रकारका क्रिकेटसम्बन्धी गतिविधिबाट प्रतिबन्ध लगाएको छ ।
बीसीबीको बोर्ड बैठकपछि जारी विज्ञप्तिमा स्वतन्त्र छानबिन समितिको प्रतिवेदनका आधारमा इस्लामलाई प्रत्यक्ष वा अप्रत्यक्ष रूपमा बीसीबीअन्तर्गत कुनै पनि रोजगारी तथा क्रिकेट गतिविधिमा संलग्न हुन नपाउने निर्णय गरिएको उल्लेख छ ।
समितिले चार वटा आरोपमध्ये दुई आरोप पुष्टि नभए पनि बाँकी दुई आरोपमा प्रारम्भिक रूपमा अनुपयुक्त व्यवहारको पर्याप्त प्रमाण फेला पारेको जनाएको छ। पाँच सदस्यीय समितिले फेब्रुअरी २ मा आफ्नो प्रतिवेदन बीसीबी अध्यक्ष अमिनुल इस्लाम बुलबुललाई बुझाएको थियो ।
बीसीबीले प्रतिबन्धको अवधि भने खुलाएको छैन । इस्लामको सम्झौता ३० जुन २०२५ मै सकिएको र हाल उनी बीसीबीअन्तर्गत कार्यरत नरहेको पनि जनाइएको छ । साथै, संस्थागत सुरक्षालाई मजबुत बनाउन नयाँ उजुरी समिति गठन गरिएको बोर्डले जानकारी दिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
