काठमाडौं । जारी नवौं एनभीए महिला तथा पुरुष क्लब भलिबल च्याम्पियनसिपका फाइनल खेल आज हुदैछन् । काठमाडौँको त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा फाइनल खेल हुने छन् ।
महिलातर्फको फाइनल खेलमा उपाधिका लागि विभागीय टोली नेपाल पुलिस क्लब र न्यु डायमण्ड युथ स्पोर्ट्स क्लब दिउसो १ बजेदेखि खेल्ने छन् । पुलिस क्लबले सेमिफाइनलमा त्रिभुवन आर्मी क्लबलाई ३-१ को सेटमा पराजित गर्दै फाइनलमा पुगेको हो भने अर्को सेमिफाइनलमा न्यु डायमण्डले नेपाल एपीएफ क्लबलाई ३-० को सोझो सेटमा पराजित गर्दै फाइनलमा पुगेको थियो ।
त्यस्तै पुरुषतर्फको फाइनल खेल साविक विजेता हेल्प नेपाल स्पोर्ट्स क्लब र त्रिभुवन आर्मी क्लबबीच दिउसो साढे ३ बजेदेखि शुरु हुनेछ । पहिलो सेमिफाइनलमा विभागीय टोली नेपाल पुलिस क्लबलाई ३-० को सोझो सेटमा हराउँदै हेल्प नेपाल फाइनलमा पुगेको हो । त्यस्तै दोस्रो सेमिफाइनलमा त्रिभुवन आर्मी क्लबले रुकुम पश्चिम ट्रेनिङ सेन्टरलाई ३-२ को सेटमा पराजित गर्दै फाइनलमा पुगेको हो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)