देवदह । नेकपा एमालेबाट रुपन्देही क्षेत्र नं. १ मा प्रतिनिधिसभा सदस्य पदका उम्मेदवार दधिराम न्यौपानेले एमाले विकासको पर्याय बनेको बताएका छन । निर्वाचन कार्यक्रम अन्तर्गत आयोजित भेटघाट कार्यक्रममा बोल्दै उनले एमाले कमजोर पार्ने र विकास रोक्ने उद्देश्यले गतिविधि भइरहेको आरोप लगाए ।
विकासका काममा एमालेको योगदान उल्लेखनीय रहेको जिकिर गर्दै उनले बाटोघाटो, पुल, अस्पताल तथा स्वास्थ्य संस्था निर्माण एमाले नेतृत्वकै पहलमा भएको आमनागरिकले पहिल्यै चिनिसकेको बताए । यस आधारमै आगामी निर्वाचनमा एमालेको जित सुनिश्चित हुने उनको दाबी छ ।
त्यसैगरी लिम्पियाधुरा, लिपुलेक र कालापानीजस्ता भू–भाग नेपालको भएको एमालेको स्पष्ट अडानकै कारण विरोधी शक्तिहरू असन्तुष्ट बनेको उनले बताए । न्यौपानेले राष्ट्र र राष्ट्रियताको मुद्दामा एमाले पछि नहट्ने जिकिर गरे ।
पछिल्लो समय देखिएको ‘जेन–जी आन्दोलन’ दु:खद भएको बताउँदै उनले त्यसलाई उक्साउनेहरू मुख्य दोषी रहेको टिप्पणी गरे । एमालेले सबैलाई सम्मान गर्ने नीति लिएको उल्लेख गर्दै उनले गालीगलौज र कटाक्षबाट समस्या समाधान नहुनेमा जोड दिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)