सप्तरी । सप्तरीको रुपनी गाउँपालिका–६ दुधैला खोलामा शंकास्पद वस्तु विस्फोट हुँदा चार जना बालक घाइते भएका छन् । बनभोज खान गएका बालकले खोलामा फेला परेको सकेट बमजस्तो देखिने वस्तु दाउरासँगै जम्मा गरी चुल्हो नजिक राखेका थिए । त्यसै क्रममा उक्त वस्तु अचानक विस्फोट भएको हो ।
विस्फोटमा परेर साजन आले मगरका ११ वर्षका छोरा साहस, मनोज थापा मगरका ९ वर्षका छोरा प्रशिस, कर्णबहादुर थापा मगरका १६ वर्षका छोरा कविर र पदमबहादुर विकका १३ वर्षका छोरा सुरज घाइते भएका छन् ।
घाइतेलाई मधेश प्रदेश प्रहरी अस्पताल रुपनीमा प्रारम्भिक उपचारपछि थप उपचारका लागि छिन्नमस्ता अस्पताल राजविराज लगिएको छ । साहस र प्रशिसको खुट्टा तथा शरीरका विभिन्न भागमा चोट लागेको छ भने कविर र सुरजको शरीरका विभिन्न भागमा चोट लागेको प्रहरीले जनाएको छ ।
स्थानीयले उक्त स्थान नेपाली सेनाको अभ्यासस्थल रहेको र त्यहाँ छुटेको वा विस्फोट हुन नसकेको बम पड्किएको हुन सक्ने आशंका गरेका छन् ।
घटनाबारे थप अनुसन्धान भइरहेको जिल्ला प्रहरी कार्यालय सप्तरीका प्रवक्ता डीएसपी डम्बरबहादुर पुरीले बताए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
