विराटनगर । सशस्त्र प्रहरी बलले सुनसरी र मोरङबाट करिब ३०३ किलो गाँजासहित एक जनालाई नियन्त्रणमा लिएको छ ।
नेपालबाट अवैध रुपले भारततर्फ लैजाँदै गरेको २८ वटा प्याकेटमा रहेको २८ के.जी. ६८० ग्राम गाँजा सशस्त्र प्रहरी बल नेपाल सीमा सुरक्षा गुल्म कप्तानगंजबाट खटिएको टोलीले सुनसरी जिल्लाको देवानगंज गाउँपालिकाको वडा नं. ४ र ५ स्थित सीमा ईलाकाबाट बरामद गरेको हो । उक्त गाँजा लैजाँदै गरेका व्यक्ति भने गस्तीमा रहेको सशस्त्र प्रहरीको टोलीलाई देख्नासाथै गाँजा छाडी फरार भएका थिए ।
त्यस्तै मोरङ्ग जिल्लाको जहदा गाउँपालिका–२ मधुमल्लास्थित परालको कुन्युमा लुकाई छिपाई राखेको ९ वटा पोकामा रहेको करीव २ सय ७५ किलो गाँजासहित सोही गाउँपालिका–१ बस्ने २८ वर्षिय चन्दन साहलाई नियन्त्रणम लिईएको छ ।
उक्त स्थानमा लुकाई छिपाई राखेको भन्ने विशेष सूचनाको आधारमा सशस्त्र प्रहरी बल नेपाल सीमा सुरक्षा गुल्म रानीबाट खटिएको टोलीले उनलाई सो गाँजासहित नियन्त्रणमा लिएको हो ।
नियन्त्रमा लिईएका उनलाई बरामद गाँजासहित आवश्यक कारवाहीको लागि सम्बन्धित नियकायमा बुझाईएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
