काठमाडौँ । म्याग्दीबाट स्वतन्त्र उम्मेदवारका रूपमा निर्वाचन जितेका डा. महावीर पुनले नेकपा एमालेका अध्यक्ष केपी शर्मा ओलीप्रति कटाक्ष गरेका छन् ।
सामाजिक सञ्जालमार्फत आफ्नो धारणा सार्वजनिक गर्दै पुनले देशमा देखिएको नयाँ राजनीतिक परिवर्तनका पछाडि ओलीको भूमिकासमेत रहेको बताएका छन् ।
उनले ओलीको शैली र व्यवहारका कारण युवाहरूमा असन्तुष्टि बढ्दै गएको र त्यसकै परिणामस्वरूप नयाँ आन्दोलन तथा वैकल्पिक राजनीतिक शक्तिहरू अघि आएको दाबी गरेका छन् । पुनका अनुसार यही परिस्थितिले नयाँ पुस्तालाई राजनीतिमा सक्रिय हुने अवसर दिएको र युवा नेताहरूले पुराना नेतृत्वबाट पाठ सिकेर फरक शैलीमा राजनीति गर्नुपर्ने आवश्यकता पनि औंल्याएका छन् ।
उनले भनेका छन्- 'उहाँको थुतुनाले गर्दा नै नेपालमा युवाहरुले शासन गर्ने मौका आएको छ । युवा नेताहरुले उहाँ जस्तो धुर्त, गफाडी र घमण्डी बन्नु हुँदै हुँदैन भनेर उहाँबाट नै पाठ सिक्नु पर्छ ।'
पुनले म्याग्दीबाट स्वतन्त्र उम्मेदवारको रुपमा जित हासिल गरेका छन् । उनलाई रास्वपाले समर्थन गरेको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)