राजनीति

महाधिवेशन गर्न नसकेका काँग्रेसका भ्रातृ संघका केन्द्रीय समिति विघटन.

सेतोमसी
बैशाख २१, २०८३ सोमवार

महाधिवेशन गर्न नसकेका काँग्रेसका भ्रातृ संघका केन्द्रीय समिति विघटन.

अ +
अ
अ -

काठमाडौँ । नेपाली काँग्रेसले तोकिएको समयमा महाधिवेशन नभएका भ्रातृ संघहरुका केन्द्रीय समिति विघटन गरेको छ ।

सोमबार बसेको केन्द्रीय कार्यसम्पादन समितिको बैठकले पार्टीले निश्चित कार्यादेशसहित निर्देशक समिति बनाउँदा समेत अधिकांश भ्रातृ संघले कार्यतालिकामा तोकिएको समयमा महाधिवेशन नगरेको र अधिवेशन गर्न सक्ने आधार समेत नदेखिएकोले म्याद थपिरहनु आवश्यक नरहेको निष्कर्ष निकाल्दै त्यस्तै भ्रातृ संघका केन्द्रीय समितिहरू स्वत: विघटन भएको निर्णय गरेको हो ।

साथै बैठकले नेपाली कांग्रेसको विधानको धारा ४२(१) बमोजिम अधिवेशन नभएका सवै भ्रातृ संघहरूको महाधिवेशन गर्न आवश्यक व्यबस्था गर्न केन्द्रीय कार्यसमितिका सभापतिलाई जिम्मेवारी प्रदान गर्ने निर्णय गरेको छ ।

साथै बैठकले नेपाल थारु संघको हकमा २०८३ जेठ १६ र १७ गते महाधिवेशन गर्न तय भैसकेकोले सो अवधिसम्म समयावधि थप गर्ने निरन्य गरिएको छ ।

काँग्रेसले निर्णयमा भनेको छ- ' पार्टीले निश्चित कार्यादेश सहित निर्देशक समिति बनाउँदा समेत अधिकांश भ्रातृ संघले कार्यतालिकामा तोकिएको समयमा महाधिवेशन नगरेको र अधिवेशन गर्न सक्ने आधार समेत नदेखिएकोले म्याद थपिरहनु आवश्यक नरहेको तथा यसैबीच नेपाल तरुण दलका केन्द्रीय अध्यक्ष विद्धान गुरुङ र नेपाल दलित संघका केन्द्रीय अध्यक्ष लोकबहादुर विश्वकर्माले राजीनामा समेत दिइसकेको हुँदा तत् तत् भ्रातृ संघका केन्द्रीय समितिहरू स्वत: विघटन भएका छन। साथै म्याद सकिएका समितिले त्यस अवधिमा गरेका निर्णय र मनोनयनहरू पनि स्वत: अबैद्य भएका छन। अत: नेपाली कांग्रेसको विधानको धारा ४२(१) बमोजिम अधिवेशन नभएका सवै भ्रातृ संघहरूको महाधिवेशन गर्न आवश्यक व्यबस्था गर्न केन्द्रीय कार्यसमितिका सभापतिलाई जिम्मेवारी प्रदान गर्ने।'