काठमाडौँ । कैलाली र धादिङका छुट्टाछुट्टै घटनामा जबरजस्ती करणी गरेको आरोपमा पाँच जना पक्राउ परेका छन् ।
कैलालीको धनगढी उपमहानगरपालिका-१६ मा १८ वर्षीया किशोरीमाथि जबरजस्ती करणी गरेको आरोपमा २१ वर्षीय प्रदीप चन्दसहित तीन जनालाई प्रहरीले पक्राउ गरेको छ । किशोरीमाथि जबरजस्ती करणी भएको भन्ने उजुरीका आधारमा अस्थायी प्रहरी पोष्ट बेहडाबाबाबाट खटिएको प्रहरी टोलीले उनीहरूलाई नियन्त्रणमा लिएको हो ।
यस्तै, धादिङको धुनिवेशी नगरपालिका-४ रुपाखेती गाउँका ३३ वर्षीय रामशरण रुपाखेतीलाई ३६ वर्षीया महिलामाथि जबरजस्ती करणी गरेको आरोपमा पक्राउ गरिएको प्रहरीले जनाएको छ । पीडित महिलाको उजुरीपछि इलाका प्रहरी कार्यालय खानीखोलाबाट खटिएको टोलीले उनलाई पक्राउ गरेको हो ।
त्यसैगरी, धादिङकै खनियावास गाउँपालिका-१ नेक्साका २८ वर्षीय वर्णबास तामाङलाई १९ वर्षीया किशोरीमाथि जबरजस्ती करणी गरेको आरोपमा शुक्रबार राति पक्राउ गरिएको छ । किशोरीको उजुरीका आधारमा इलाका प्रहरी कार्यालय दार्खाबाट खटिएको प्रहरी टोलीले उनलाई खनियावास गाउँपालिका-४ बाट नियन्त्रणमा लिएको जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)