काठमाडौं । आकर्षक तलबको प्रलोभन देखाएर विभिन्न देशमा वैदेशिक रोजगारीमा पठाइदिन्छु भन्दै रकम ठगी गरेको आरोपमा प्रहरीले चार जनालाई पक्राउ गरेको छ ।
पक्राउ पर्नेमा ललितपुरका ३२ वर्षीय वीरेन्द्र तामाङ, काठमाडौंका ३८ वर्षीय कमलप्रसाद गौतम, काठमाडौंकै ३३ वर्षीय गणेशबहादुर बुढा र गोकर्णेश्वरका ४४ वर्षीय बद्रीकुमार तामाङ रहेका छन् ।
प्रहरीका अनुसार वीरेन्द्रले बेलायत पठाइदिन्छु भन्दै एक जनाबाट ९ लाख रुपैयाँ, कमलले रोमानिया पठाइदिन्छु भन्दै एक जनाबाट १ लाख रुपैयाँ र गणेशले अस्ट्रेलिया तथा क्यानडा पठाइदिन्छु भन्दै दुई जनाबाट ३ लाख रुपैयाँ लिएका थिए । त्यस्तै, बद्रीले पोल्यान्ड पठाइदिन्छु भन्दै पाँच जनाबाट २१ लाख ८९ हजार रुपैयाँ लिएर सम्पर्कविहीन भएको उजुरी परेको थियो ।
पीडितको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले वीरेन्द्र, कमल र गणेशलाई मंगलबार तथा बद्रीलाई पक्राउ गरेको हो। पक्राउ परेका चारै जनालाई आवश्यक अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)