दोलखा । दोलखाको भीमेश्वर नगरपालिका-०६ भुतपोखरी स्थित चरिकोट-कालिञ्चोक सडक-खण्डमा कार दुर्घटना हुँदा ६ जना घाइते भएका छन् ।
मंगलबार दिउँसो करिब २: ३० बजेको समयमा कालिञ्चोक मन्दिरको दर्शन गरी चरिकोटतर्फ आउँदै गरेको बा १५ च १४९२ नम्बरको कार ब्रेक फेल भई अनियन्त्रित हुँदा सडकबाट करिब १३ मिटर तल खसेर दुर्घटना भएको हो ।
दुर्घटनामा काठमाडौं शंकरापुर नगरपालिका-०२ बस्ने ६५ वर्षीय सन्त नासुर, सोही ठेगाना भएका ५५ वर्षीया राम्री नासुर, २२ वर्षीया अनिता नासुर, १२ वर्षीय सुजन नासुर, ८ वर्षीय सुजित नासुर तथा २२ वर्षीया सुनिता तामाङ घाइते भएका छन् ।
सबै घाइतेहरूको च्छोरोल्पा अस्पताल, चरिकोटमा उपचार भईरहेको छ । कार चालक शंकरापुर नगरपालिका-०३ बस्ने २१ वर्षीय निरज तामाङलाई नियन्त्रणमा लिई थप अनुसन्धान भईरहेको प्रहरीले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)